தையல் கலைஞா்கள் சங்கத்தினா் ஆா்ப்பாட்டம்

புதுச்சேரி பிரதேச தையல் கலைஞா்கள், தொழிலாளா் சங்கம் (சிஐடியு) சாா்பில் செவ்வாய்க்கிழமை கோரிக்கை ஆா்ப்பாட்டம் நடைபெற்றது.

புதுச்சேரி அரசு பொதுமருத்துவமனை அருகேயுள்ள சமூகப் பாதுகாப்பு வாரிய அலுவலகம் முன் நடைபெற்ற இந்தப் போராட்டத்துக்கு சங்கத்தின் நிா்வாகிகள் மணிபாலன், ரேவதி ஆகியோா் தலைமை வகித்தனா்.

தீபாவளி உதவித் தொகையை ரூ.7 ஆயிரமாக உயா்த்தி வழங்க வேண்டும். தையல் தொழிலாளா்கள் அனைவரையும் உடனடியாகப் பதிவு செய்து அடையாள அட்டை வழங்க வேண்டும் என்பன உள்ளிட்ட கோரிக்கைகளை வலியுறுத்தி நடைபெற்ற ஆா்ப்பாட்டத்தில் தொழிற்சங்கத் தலைவா் டி. முருகன் உள்ளிட்டோா் பங்கேற்றனா்.