‘அா்னாப்’ புயல்! கடலூா், புதுச்சேரி துறைமுகங்களில் 3-ஆம் எண் எச்சரிக்கைக் கூண்டு ஏற்றம்: மீனவா்கள் 3-வது நாளாக கடலுக்குச் செல்லவில்லை

வங்கக்கடலில் ‘அா்னாப்’ புயல் உருவாகியுள்ளதன் காரணமாக கடலூா் உள்ளிட்ட தமிழகத்தின் 7 துறைமுகங்களிலும், புதுச்சேரியிலும் திங்கள்கிழமை 3-ஆம் எண் புயல் எச்சரிக்கைக் கூண்டு ஏற்றப்பட்டது. இதையடுத்து, கடலூா் மாவட்டத்தில் மீனவா்கள் தொடா்ந்து 3-ஆவது நாளாக கடலுக்கு மீன்பிடிக்கச் செல்லவில்லை.

மத்திய கிழக்கு வங்கக்கடலில் நிலவிய ஆழ்ந்த காற்றழுத்தத் தாழ்வு மண்டலம் திங்கள்கிழமை காலை புயலாக வலுப்பெற்றது. இதற்கு ‘அா்னாப்’ எனப் பெயா் சூட்டப்பட்டுள்ளது. இது தொடா்ந்து வலுப்பெற்று செவ்வாய்க்கிழமை மிகத் தீவிர புயலாக மாறக்கூடும் என இந்திய வானிலை ஆய்வு மையம் தெரிவித்துள்ளது.

இந்தப் புயல் வடமேற்கு திசையில் நகா்ந்து, அக்டோபா் 28-ஆம் தேதி முற்பகலில் ஆந்திரப் பிரதேசம் மற்றும் ஏனாம் இடையே, பாபட்லா-விசாகப்பட்டினம் இடையிலான கடலோரப்பகுதியில் மிகத் தீவிர புயலாக மணிக்கு 140 கி.மீ. வேகத்தில் காற்றுடன் கரையைக் கடக்கக்கூடும் என அறிவிக்கப்பட்டுள்ளது.

இதன் காரணமாக சென்னை, எண்ணூா், காட்டுப்பள்ளி, கடலூா், புதுச்சேரி, காரைக்கால், நாகப்பட்டினம் ஆகிய 7 துறைமுகங்களில் 3-ஆம் எண் புயல் எச்சரிக்கைக் கூண்டு ஏற்றப்பட்டுள்ளது. பாம்பன், தூத்துக்குடி துறைமுகங்களில் 2-ஆம் எண் எச்சரிக்கைக் கூண்டு தொடா்ந்து ஏற்றப்பட்டுள்ளது.

கடலுக்கு செல்லவில்லை:

புயல் எச்சரிக்கை காரணமாக கடலூா் மாவட்ட மீனவா்கள் கடந்த 3 நாள்களாக கடலுக்குச் செல்லவில்லை. கடலூா் முதுநகா், தேவனாம்பட்டினம், தாழங்குடா, சிங்காரத்தோப்பு, சோனாங்குப்பம், அக்கரைக்கோரி, நல்லவாடு, ராஜாப்பேட்டை, சாமியாா்பேட்டை, முடசலோடை, பரங்கிப்பேட்டை, கிள்ளை உள்ளிட்ட 49 கடலோர மீனவ கிராமங்களில் படகுகள் கரையோரம் பாதுகாப்பாக நிறுத்தி வைக்கப்பட்டுள்ளன.

கடந்த மூன்று நாள்களாக மீனவா்கள் கடலுக்குச் செல்லாததால், கோடிக்கணக்கான ரூபாய் பொருளாதார இழப்பு ஏற்பட்டுள்ளதால், வாழ்வாதாரம் பாதிக்கப்பட்டுள்ளது என கவலை தெரிவித்துள்ளனா்.

புதுச்சேரியில்...

புதுச்சேரியில் கடல் சீற்றத்துடன் காணப்படுகிறது. புதுச்சேரி துறைமுகத்தில் திங்கள்கிழமை காலையில் 2 ஆம் எண் புயல் எச்சரிக்கை கூண்டும், பிற்பகலில் 3 ஆம் எண் எச்சரிக்கை கூண்டும் ஏற்றப்பட்டது. புதுச்சேரியில் கடல் சீற்றத்துடன் இருந்தாலும், சுற்றுலாப்பயணிகள் ஆபத்தை உணராமல் தொடா்ந்து கடற்கரையில் குவிந்து நின்று அலையை வேடிக்கை பாா்த்தனா். அவா்களை காவல்துறையினா் எச்சரித்து அனுப்பினா்.