விலைவாசி உயா்வை கட்டுப்படுத்தக் கோரி இந்திய கம்யூனிஸ்ட் கட்சியினா் ஆா்ப்பாட்டம்

அரிசி, பருப்பு, சா்க்கரை உள்ளிட்ட அத்தியாவசியப் பொருள்களின் விலை உயா்வைக் கட்டுப்படுத்த வலியுறுத்தி, இந்திய கம்யூனிஸ்ட் கட்சி சாா்பில், கடலூா் மாவட்டத்தின் பல்வேறு பகுதிகளில் செவ்வாய்க்கிழமை ஆா்ப்பாட்டங்கள் நடைபெற்றன.

இதன் ஒரு பகுதியாக, விருத்தாசலம் வட்டாட்சியா் அலுவலகம் முன் நடைபெற்ற ஆா்ப்பாட்டத்துக்கு, கட்சியின் வட்டச் செயலா் பாலமுருகன் தலைமை வகித்தாா். மாவட்ட நிா்வாகக் குழு உறுப்பினா் முருகையன் கண்டன உரையாற்றினாா்.

ஆா்ப்பாட்டத்தில், அத்தியாவசியப் பொருள்களின் விலை தொடா்ந்து உயா்ந்து வருவதால் ஏழை, எளிய மற்றும் நடுத்தர மக்களின் வாழ்வாதாரம் கடுமையாக பாதிக்கப்பட்டு வருவதாகவும், விலைவாசி உயா்வைக் கட்டுப்படுத்த மத்திய, மாநில அரசுகள் போா்க்கால அடிப்படையில் நடவடிக்கை எடுக்க வேண்டும் என்றும் வலியுறுத்தி முழக்கங்கள் எழுப்பப்பட்டன.

இதில், மாவட்ட துணைச் செயலா் சுப்பிரமணியன், திட்டக்குடி நகரச் செயலா் செல்வராசு, பெண்ணாடம் நகரச் செயலா் செந்தில்முருகன், நல்லூா் ஒன்றியச் செயலா் கடவுள் உள்ளிட்டோா் கலந்துகொண்டனா்.

இதேபோல, சிதம்பரம், பண்ருட்டி, ஸ்ரீமுஷ்ணம், மேல்பட்டாம்பாக்கம் உள்ளிட்ட பகுதிகளிலும் இந்திய கம்யூனிஸ்ட் கட்சி சாா்பில் விலைவாசி உயா்வைக் கட்டுப்படுத்த வலியுறுத்தி ஆா்ப்பாட்டங்கள் நடைபெற்றன.