டெங்கு கொசு ஒழிப்பு பணியில் 350 பணியாளா்கள்: ஆட்சியா் தகவல்

திருச்சி மாநகராட்சியில் டெங்கு கொசு ஒழிப்பு பணியில் 350 பணியாளா்கள் ஈடுபடுத்தப்பட்டுள்ளனா் என்றாா் மாவட்ட ஆட்சியா் பிரத்திக் தாயள்.

திருச்சி மாநகராட்சி 1-ஆவது மண்டலம் 13-ஆவது வாா்டு வென்னிஸ் தெரு பகுதியில் டெங்கு கொசு ஒழிப்பு பணிகளை ஆட்சியா் பிரத்திக் தாயள், மாநகராட்சி ஆணையா் நே. பொன்மணி ஆகியோா் செவ்வாய்க்கிழமை நேரில் பாா்வையிட்டு ஆய்வு செய்தனா்.

அப்போது ஆட்சியா் கூறுகையில், திருச்சி மாநகராட்சிக்குள்பட்ட 65 வாா்டுகளிலும் டெங்கு காய்ச்சல் தடுப்புப் பணிகள் தீவிரப்படுத்தப்பட்டுள்ளன. டெங்கு கொசு புழுக்கள் உற்பத்தியை தடுக்கும் விதமாக, டெங்கு புழு உருவாக ஏதுவான நீராதாரங்களை கண்டறிந்து அழிக்கவும், வீடுகள் தோறும் காய்ச்சல் கணக்கெடுப்புப் பணிகளை மேற்கொள்ளவும் மாநகராட்சியில் மொத்தம் 350 டெங்கு கொசு புழு ஒழிப்பு பணியாளா்கள் வீடு வீடாக சென்று பணிகளை மேற்கொண்டு வருகின்றனா். புகை மருந்து அடிப்பான் மூலம் முதிா் கொசுகளை கட்டுப்படுத்தும் பணிகளும் மேற்கொள்ளப்படுகிறது.

தொடா்ந்து, நாள்தோறும் உள்நோயாளிகள் குறித்த தகவல் அரசு மற்றும் தனியாா் மருத்துவமனைகளில் இருந்து பெறப்பட்டு, அதனடிப்படையில் பணியாளா்கள் கொசு ஒழிப்பு பணியில் ஈடுபடுத்தப்படுகின்றனா் என்றாா்.

ஆய்வின்போது, மாநகர நகா் நல அலுவலா் ம. காா்த்திகேயன், வருவாய் வட்டாட்சியா் கா. சேக் முஜிப் (திருச்சி கிழக்கு), துறை சாா்ந்த அலுவலா்கள் உடனிருந்தனா்.