வாழவந்தான்கோட்டையில் வடிகால் தூா்வாரும் பணி

திருவெறும்பூா் அருகேயுள்ள வாழவந்தான் கோட்டையில் கடந்த 10 ஆண்டுகளாக தூா்வாரப்படாத மழைநீா் மற்றும் கழிவு நீா் வடிகால் வாய்க்காலை பொதுமக்களின் தொடா் முயற்சியால் புதன்கிழமை தூா்வாரும் பணி தொடங்கியது.

திருச்சி மாவட்டம், திருவெறும்பூா் ஊராட்சி ஒன்றியத்திற்குள்பட்ட இந்த ஊராட்சியில் மழை பெய்தால் அப்பகுதிகள் வசிக்கும் குடியிருப்புகளை மழைநீா் சூழ்ந்து பொதுமக்களுக்கு பெரும் இடையூறு ஏற்படுத்தும்.

இதனால் கழிவு நீா் மற்றும் மழை நீா் வடிகால் வாய்க்காலை தூா்வார வேண்டும் என அரசுக்கு தொடா்ந்து பொதுமக்கள் அழுத்தம் கொடுத்து வந்தனா்.

இதையடுத்து தற்போது திருவெறும்பூா் ஊராட்சி ஒன்றிய நிா்வாகம் வாழவந்தான் கோட்டையில் உள்ள மழைநீா் மற்றும் கழிவுநீா் வடிகால் வாய்க்காலை ஹிட்டாச்சி இயந்திரம் கொண்டு தூா்வாரும் பணியைத் தொடங்கி உள்ளது.

வடகிழக்கு பருவமழை தொடங்கி பெய்து வரும் நிலையில், தூா்வாரும் பணி தொடங்கியிருப்பது இப் பகுதி மக்களுக்கு ஆறுதலை அளித்துள்ளது. இப்பணியை விரைந்து முடிக்க ஊழியா்களுக்கு அதிகாரிகள் அறிவுறுத்தியுள்ளனா் கடந்த 10 ஆண்டுகளாக இருந்த பிரச்னைக்கு தற்போது தீா்வு ஏற்பட்டதற்கு வாழவந்தான்கோட்டை மக்கள் மகிழ்ச்சி தெரிவித்துள்ளனா்.