தொழிலாளா்கள் சாலை மறியல்

திருச்சி மாவட்டம் மணப்பாறை அடுத்த கருமகவுண்டம்பட்டியில் முறையாகப் பணி வழங்கவில்லை எனக் கூறி விபி ஜி ராம் ஜி வேலை பணியாளா்கள் செவ்வாய்க்கிழமை சாலை மறியலில் ஈடுபட்டனா்.

மணப்பாறை அடுத்த வையம்பட்டி ஒன்றியம் அமையபுரம் ஊராட்சி கருமகவுண்டம்பட்டியில் உள்ள பணியாளா்களுக்கு 2026 - 27-க்கான விபி ஜி ராம் ஜி திட்டப் பணிகள் முறையாக வழங்கவில்லையாம். இதுகுறித்து பலமுறை ஊராட்சி நிா்வாகத்திடம் முறையிட்டும் முறையாக பணி வழங்காததைக் கண்டித்து, கருமகவுண்டம்பட்டியை சோ்ந்த பணியாளா்கள் செவ்வாய்க்கிழமை மணப்பாறை - தரகம்பட்டி சாலை கே.கே நகா் பகுதியில் சாலை மறியலில் ஈடுபட்டனா். தகவலறிந்து வந்த ஊராட்சி செயலா் விஜயநாதன், வையம்பட்டி காவல் ஆய்வாளா் ஜெயசித்ரா ஆகியோா் பேச்சுவாா்த்தை நடத்தி, அளித்த உறுதியின் பேரில் போராட்டத்தைக் கைவிட்டனா்.