மதுபோதையில் தகராறு செய்த கணவரை கொன்ற மனைவி கைது

பொன்னமராவதி அருகே மதுபோதையில் தகராறு செய்த கணவரை இரும்புக் கம்பியால் தாக்கி, கழுத்தை நெரித்து கொன்ற மனைவியை போலீஸாா் வெள்ளிக்கிழமை கைது செய்தனா்.

புதுக்கோட்டை மாவட்டம், பொன்னமராவதி அருகே உள்ள வாா்ப்பட்டு ஊராட்சி, தேவன்பட்டி கிராமத்தைச் சோ்ந்தவா் அ. ராஜா(48). இவருக்கு அழகுமீனா (43) என்ற மனைவியும், காா்த்திக்ராஜா(22), அரவிந்த் (20) என்ற இருமகன்களும் உள்ளனா்.

கொத்தனாராக பணிபுரிந்து வந்த ராஜா தினமும் மது அருந்திவிட்டு வந்து, அழகுமீனாவை தாக்கி பிரச்னை செய்து வந்துள்ளாா்.

இந்நிலையில், வெள்ளிக்கிழமை மாலை மது அருந்திவிட்டு வீட்டுக்கு வந்த ராஜா, மனைவி அழகுமீனாவை தாக்கி தகராறு செய்துள்ளாா். அப்போது அழகுமீனா, கணவா் ராஜாவை கீழே தள்ளி அருகில் இருந்த இரும்புக் கம்பியால் கணவரை தாக்கியுள்ளாா். தொடா்ந்து அங்கு இருந்த நைலான் கயிற்றால் கணவரின் கழுத்தை நெரித்து கொலை செய்தாா்.

தகவலறிந்த பொன்னமராவதி போலீஸாா், சம்பவ இடத்துக்கு வந்து கொலையுண்ட ராஜா உடலை மீட்டு பிரேதப் பரிசோதனைக்காக பொன்னமராவதி அரசு மருத்துவமனைக்கு அனுப்பிவைத்து விசாரித்து வருகின்றனா்.