மரத்தில் பைக் மோதியதில் இளைஞா் உயிரிழப்பு

நொய்யல் அருகே சாலையோர மரத்தில் இருசக்கர வாகனம் ஞாயிற்றுக்கிழமை மோதியதில் ஈரோட்டைச் சோ்ந்த இளைஞா் உயிரிழந்தாா்.

ஈரோடு மாவட்டம் கொடுமுடி அருகே ஆவுடையாா்பாறையைச் சோ்ந்த கணேசன் மகன் கவின்ராஜ் (31). வெல்டிங் தொழிலாளி. கவின்ராஜ் ஞாயிற்றுக்கிழமை காலை கரூா் மாவட்டம் நொய்யல் குறுக்குச் சாலையில் நடைபெற்ற தனது உறவினரின் திருமணத்துக்கு தனது உறவினரான ஈரோடு வீரப்பன்சத்திரம் பகுதியைச் சோ்ந்த சேகா் மகன் சிபின் (27) என்பவருக்குச் சொந்தமான இருசக்கர வாகனத்தில் இருவரும் நொய்யல் நோக்கி வந்து கொண்டிருந்தனா்.

கவின்ராஜ் இருசக்கர வாகனத்தை ஓட்டினாா். இருசக்கர வாகனம் நொய்யல் ரயில்வே கேட் அருகே வந்தபோது, திடீரென நிலைதடுமாறி சாலையோரம் இருந்த மரத்தில் மோதியதில் பலத்த காயமடைந்த கவின்ராஜ் நிகழ்விடத்திலேயே உயிரிழந்தாா்.

தகவல் கிடைத்ததும் வேலாயுதம்பாளையம் போலீஸாா் நிகழ்விடத்துக்கு சென்று கவின்ராஜின் சடலத்தை உடற்கூறாய்வுக்கு வேலாயுதம்பாளையம் அரசு மருத்துவமனைக்கு அனுப்பி வைத்தனா். காயமடைந்த சிபினை அரசு மருத்துவமனையில் அனுமதித்தனா். மேலும் இதுதொடா்பாக வழக்குப் பதிந்து விசாரிக்கின்றனா்.