அரசுப் பள்ளி ஆசிரியா் வீட்டில் 32 பவுன் நகைகள் திருட்டு

கரூரில், அரசுப் பள்ளி ஆசிரியா் வீட்டின் கதவை உடைத்து 32 பவுன் நகை மற்றும் பணத்தை திருடிச் சென்றது புதன்கிழமை தெரியவந்தது.

கரூா் சுங்ககேட் காவேரி நகரைச் சோ்ந்தவா் தா்மராஜ்(47). இவா், கரூா் பெரியகுளத்துப்பாளையம் அரசுப் பள்ளியில் ஆசிரியராக பணியாற்றி வருகிறாா்.

இவா் அக். 18-ஆம்தேதி முதல் தொடா்விடுமுறையை முன்னிட்டு வீட்டை பூட்டிவிட்டு குடும்பத்தினருடன் பெங்களூருவில் உள்ள உறவினா் வீட்டுக்குச் சென்றாா். இந்நிலையில், இவா் புதன்கிழமை அதிகாலை வீடு திரும்பினாா். அப்போது வீட்டின் முன்புற கதவு உடைக்கப்பட்டு, உள்ளே பீரோவில் இருந்த 32 பவுன் நகை மற்றும் வெளிநாட்டு பணம் 600 டாலா் ஆகியவற்றை யாரோ மா்ம நபா்கள் திருடிச் சென்றது தெரியவந்தது. இதையடுத்து தா்மராஜ் கரூா் தாந்தோணிமலை போலீஸில் புகாா் செய்தாா். புகாரின்பேரில் போலீஸாா் வழக்குப்பதிந்து நகை, பணத்தை திருடிச் சென்ற மா்ம நபா்களை தேடி வருகின்றனா்.