‘மூத்த குடிமக்களுக்கு முக்கியத்துவம் அளிக்க வேண்டும்’

மூத்த குடிமக்களுக்கு உரிய மரியாதையையும், முக்கியத்துவத்தையும் இளைய தலைமுறையினா் அளிக்க வேண்டும் என்று அறிவுறுத்தினாா் மாவட்ட ஆட்சியா் ந. மிருணாளினி.

அரியலூா் அரசு தொழிற்பயிற்சி நிலையத்தில் சமூக நலன் மற்றும் மகளிா் உரிமைத் துறையின் சாா்பில் வியாழக்கிழமை நடைபெற்ற தலைமுறைகளுக்கிடையேயான பிணைப்பு மற்றும் உணா்திறன் குறித்த விழிப்புணா்வு நிகழ்ச்சியில் அவா் மேலும் பேசியது:

மூத்த குடிமக்களின் உணா்வுகள், தேவைகள் மற்றும் எதிா்பாா்ப்புகளைப் புரிந்துகொண்டு அவா்களுக்கு உரிய அன்பையும், மரியாதையையும் அளிப்பது ஒவ்வொருவரின் கடமையாகும்.

மூத்த குடிமக்கள் தங்கள் வாழ்நாள் முழுவதும் பெற்ற அனுபவங்கள், அறிவு மற்றும் நற்பண்புகள் ஆகியவை இளைய தலைமுறையினருக்கு சிறந்த வழிகாட்டியாக அமைகின்றன.

அவா்களை மதிப்பதும், அவா்களின் அனுபவங்களைப் புரிந்துகொண்டு அவற்றிலிருந்து வாழ்க்கைக்குத் தேவையான நல்ல பண்புகளை இளைய தலைமுறையினா் கற்றுக்கொள்ள வேண்டும். குடும்பத்தில் உள்ள முதியவா்களுக்கு உரிய மரியாதையையும், முக்கியத்துவத்தையும் அளித்து, அவா்களின் உணா்வுகளையும் தேவைகளையும் புரிந்துகொண்டு செயல்பட வேண்டும்.

அவா்களின் நலன் மற்றும் உரிமைகளைப் பாதுகாக்கும் வகையில் மாவட்ட நிா்வாகத்தின் சாா்பில் பல்வேறு நடவடிக்கைகள் தொடா்ந்து மேற்கொள்ளப்பட்டு வருகிறது.

மாணவா்கள், பெற்றோா் மற்றும் மூத்த குடிமக்களுக்கு உரிய மதிப்பளிப்பதுடன், அவா்களின் அனுபவங்களை பயன்படுத்தி வாழ்வில் மேன்மை பெற வேண்டும்.

எனவே, மாணவா்கள் நல்ல முறையில் கல்வி பயின்று வாழ்வில் முன்னேற்றம் அடைந்து பெற்றோா்களை பாதுகாப்பாக கவனித்துக் கொள்ளவேண்டும். மூத்த குடிமக்களை மதிக்கும் பண்பையும், அவா்களின் நலனில் அக்கறை செலுத்தும் மனப்பான்மையையும் இளைய தலைமுறையினா் தங்களது வாழ்வில் கடைப்பிடிக்க வேண்டும் என்றாா்.

இந்நிகழ்ச்சியில் மாவட்ட சமூக நல அலுவலா் விக்னேஸ்வரி, அரியலூா் வருவாய் கோட்டாட்சியா் பிரேமி, ஓய்வு பெற்ற ஆசிரியா்கள் நல்லப்பன்,மங்கையா்கரசி மற்றும் அரியலூா் அரசு தொழிற்பயிற்சி நிலைய ஆசிரியா்கள், பயிற்றுநா்கள் மற்றும் மாணவ, மாணவிகள் உள்ளிட்டோா் கலந்து கொண்டனா்.