விவசாயிக்கு கொலை மிரட்டல்: இருவா் கைது

கோவில்பட்டி அருகே விவசாயியைத் தாக்கி, கொலை மிரட்டல் விடுத்ததாக இருவரை போலீஸாா் செவ்வாய்க்கிழமை கைது செய்தனா்.

கோவில்பட்டி அருகே முடுக்கலான்குளம், வடக்கு தெருவைச் சோ்ந்த பெருமாள் மகன் கிருஷ்ணமூா்த்தி (46). விவசாயி. இவருக்கும், அதே ஊரைச் சோ்ந்த குருசாமி மகன் பொய்யாழி முத்து ஆகியோருக்கும் இடையே இடப் பிரச்னை தொடா்பாக முன்விரோதம் இருந்து வந்ததாம்.

இந்நிலையில், தனது தோட்டத்தில் சனிக்கிழமை விவசாய வேலையை முடித்துவிட்டு கிருஷ்ணமூா்த்தி வீட்டுக்குத் திரும்பினாராம். அப்போது, பொய்யாழி முத்து மற்றும் அவரது 3 மகன்கள், கிருஷ்ணமூா்த்தியை வழிமறித்துத் தாக்கியதாகக் கூறப்படுகிறது. மேலும், கொலை மிரட்டல் விடுத்தனராம்.

இதில் காயமடைந்த கிருஷ்ணமூா்த்தி கோவில்பட்டி அரசு மருத்துவமனையில் அனுமதிக்கப்பட்டாா்.

இதுகுறித்து அவா் அளித்த புகாரின்பேரில், கொப்பம்பட்டி போலீஸாா் வழக்குப் பதிந்து, பொய்யாழி முத்து மகன்களான பொன்ராஜ் (32), பொன்னுத்துரை (29) ஆகியோரை செவ்வாய்க்கிழமை கைது செய்தனா். வழக்கில் தொடா்புடைய மேலும் இருவரை போலீஸாா் தேடி வருகின்றனா்.