கோவில்பட்டி செல்வ மாதா ஆலயத் திருவிழா தொடக்கம்

கோவில்பட்டி புனித சூசையப்பா் திருத்தலத்தின் கிளை பங்கான புதுக்கிராமம் பரிசுத்த செல்வ மாதா ஆலய 29 ஆம் ஆண்டு திருவிழா கொடியேற்றத்துடன் செவ்வாய்க்கிழமை தொடங்கியது.

ஆலய பங்குத்தந்தை அருள்ராஜ் அடிகளாா், உதவி பங்குத்தந்தை குழந்தைராஜ் அடிகளாா், குறுக்குச் சாலை பங்குத்தந்தை சுரேஷ்பாபு அடிகளாா் ஆகியோா் இணைந்து திருவிழா கொடியை ஏற்றிவைத்து திருப்பலி நிறைவேற்றினா்.

10 நாள்கள் நடைபெறும் திருவிழாவில் தினமும் மாலை 6:30 மணிக்கு திருப்பலி நடைபெறும். 9 ஆம் திருநாளான அக். 7ஆம் தேதி மாலை 6.30 மணிக்கு நவநாள் திருப்பலி, அன்னையின் திருவுருவ பவனி, 10 ஆம் திருநாளான அக். 8ஆம் தேதி மாலை 6.30 மணிக்கு திருவிழா திருப்பலி, கொடி இறக்கம், அசன விருந்து ஆகியன நடைபெறுகின்றன.