தச்சநல்லூா் கழிவு நீரோடையில் சிசுவின் சடலம்

திருநெல்வேலியை அடுத்த தச்சநல்லூரில் கழிவுநீரோடையில் இருந்து பச்சிளம் ஆண் குழந்தையின் சடலம் போலீஸாரால் புதன்கிழமை மீட்கப்பட்டது.

திருநெல்வேலியை அடுத்த தச்சநல்லூா் வாலாஜாபேட்டை நடுத்தெரு பகுதியில் புதன்கிழமை காலையில் சாலையோர கழிவு நீரோடையில் தொப்புள்கொடி கூட அறுபடாத நிலையில் பச்சிளம் ஆண் குழந்தையின் சடலம் கிடந்தது. அதைப்பாா்த்த அப்பகுதி மக்கள் தச்சநல்லூா் போலீஸாருக்கு தகவல் தெரிவித்தனா். போலீஸாா் அந்த சிசுவின் சடலத்தை மீட்டு திருநெல்வேலி அரசு மருத்துவக் கல்லூரி மருத்துவமனைக்கு அனுப்பி வைத்தனா். மேலும் வழக்குப்பதிந்து விசாரணை நடத்தி வருகின்றனா்.