மின்வேலியில் சிக்கி பெண் பலியான சம்பவத்தில் தோட்ட உரிமையாளா் கைது

தென்காசி மாவட்டம் வாசுதேவநல்லூா் அருகே மின்வேலியில் சிக்கி ஆடு மேய்க்கும் பெண் தொழிலாளி இறந்தது தொடா்பாக, தோட்ட உரிமையாளரை போலீஸாா் வெள்ளிக்கிழமை கைது செய்தனா்.

சங்குபுரம் பிள்ளையாா் கோயில் தெருவை சோ்ந்த கணேசன் மனைவி சோலையம்மாள் (46). இவா் சங்குபுரம் ஊருக்கு வெளிப்பகுதியில் வியாழக்கிழமை ஆடுகளை மேய்த்து கொண்டிருந்தாா். அப்போது வேல்சாமி (50) என்பவரது தோட்டத்தைச் சுற்றி போடப்பட்டிருந்த மின்வேலியில் சிக்கி இறந்தாா். மேலும் 5 ஆடுகளும் இறந்தன.

இதுகுறித்து வாசுதேவநல்லூா் போலீஸாா் வழக்குப்பதிந்து வேல்சாமியை கைது செய்தனா்.