நித்திரவிளை அருகே ஆண் சடலம் மீட்பு

நித்திரவிளை அருகே கிடந்த ஆண் சடலத்தை போலீஸாா் மீட்டு விசாரணை மேற்கொண்டனா்.

நித்திரவிளை அருகே ஆற்றுப்புறம் என்ற இடத்தில் வெள்ளிக்கிழமை இரவு, 40 வயது மதிக்கத்தக்க ஆண் மயங்கிய நிலையில் கிடப்பதாக நித்திரவிளை போலீஸாருக்கு தகவல் கிடைத்தது. போலீஸாா் சென்று அவரை மீட்டு மருத்துவமனைக்கு கொண்டுசெல்வதற்காக 108 ஆம்புலன்ஸுக்கு தகவல் தெரிவித்தனா். ஆம்புலன்ஸ் ஊழியா்கள் வந்து பரிசோதித்தபோது, அந்த நபா் ஏற்கெனவே இறந்துவிட்டதாகத் தெரியவந்தது.

சடலத்தை போலீஸாா் கூறாய்வுக்காக குழித்துறை அரசு மருத்துவமனைக்கு அனுப்பி வைத்தனா். அந்த நபா் இரயுமன்துறை பகுதியைச் சோ்ந்த குமாா் (40) என, விசாரணையில் தெரியவந்தது. போலீஸாா் வழக்குப் பதிந்து, விசாரணை மேற்கொண்டனா்.