மேற்கு வங்க முதல்வராக சுவேந்து அதிகாரி பதவியேற்றார்!தவெக ஆட்சி அமைப்பதில் மேலும் சிக்கல்!சென்னை உள்பட 12 மாவட்டங்களில் பகல் 1 வரை மழைக்கு வாய்ப்பு!திமுகவினரே வாக்களிக்கவில்லையா? ஸ்ரீரங்கம் தொகுதியில் திமுகவுக்கு வெறும் 5 வாக்குகள்!தமிழ்நாட்டில் இத்தனை ஆண்டுகளில் இல்லாத குதிரை பேரம்! திமுக எம்.பி. வில்சன்தவெக தனியாக ஆளுநரிடம் சென்றிருந்தால் ஆட்சி அமைத்திருக்கலாம்: திமுகபுதுச்சேரியில் இருந்து சென்னை புறப்பட்ட அதிமுக எம்எல்ஏ-க்கள்! அடுத்து என்ன?தவெக ஆட்சி அமைப்பதில் இழுபறி: இடதுசாரிகள் ஆதரவு; விசிக நிலை என்ன? தமிழகத்தில் பயணிகளை கையாளுவதில் சென்னை விமான நிலையம் முதலிடம்பேறுகால சா்க்கரை நோயைத் தடுக்கும் திட்டம்: சோதனை முயற்சியாக அமல்
/

நாளை பிரதமா் மோடி நாகா்கோவில் வருகை! - பொன். ராதாகிருஷ்ணன் தகவல்

நாகா்கோவிலில் ஏப்.15 அன்று பிரதமா் மோடியின் சாலைப் பேரணி நடைபெறுகிறது என பொன். ராதாகிருஷ்ணன் தகவல்...

News image

பிரதமர் மோடி நாகர்கோவில் வருகை... - கோப்புப் படம்

Updated On :14 ஏப்ரல் 2026, 12:36 am IST

நாகா்கோவிலில் புதன்கிழமை (ஏப்.15) பிரதமா் மோடியின் சாலைப் பேரணி நடைபெறுகிறது என்றாா் முன்னாள் மத்திய இணை அமைச்சா் பொன். ராதாகிருஷ்ணன்.

இதுகுறித்து அவா் நாகா்கோவிலில் திங்கள்கிழமை செய்தியாளா்களிடம் கூறியதாவது:

தமிழக சட்டப்பேரவைத் தோ்தலில் தேசிய ஜனநாயகக் கூட்டணியின் வெற்றிக்கு தீவிரமாக உழைத்து வருகிறோம். அதன் உச்சமாக, பிரதமா் நரேந்திர மோடி தோ்தல் பிரசாரத்துக்காக தமிழகத்தில் 2 இடங்களுக்கு வருகை தருகிறாா்.

நாகா்கோவிலில் தேசிய ஜனநாயகக் கூட்டணியின் வேட்பாளா்களை ஆதரித்து புதன்கிழமை (ஏப். 15) நடைபெறும் சாலைப் பேரணியில் அவா் கலந்து கொள்கிறாா். அதைத் தொடா்ந்து, சனிக்கிழமை (ஏப். 18) கோவையில் நடைபெறவிருக்கும் நிகழ்ச்சியிலும் பங்கேற்கிறாா். பிரதமா் மோடி திருவனந்தபுரத்திலிருந்து ஹெலிகாப்டா் மூலம் புதன்கிழமை நாகா்கோவில் வருகிறாா்.

இந்நிகழ்ச்சியில், பிரதமருடன், அதிமுக பொதுச்செயலா் எடப்பாடி கே. பழனிசாமி, தமிழக பாஜக தலைவா் நயினாா் நாகேந்திரன், முன்னாள் தலைவா் அண்ணாமலை ஆகியோா் கலந்து கொள்கிறாா்கள். பிற்பகல் 3 மணிக்கு தொடங்கவுள்ள சாலைப் பேரணி சரியாக ஒரு கி.மீ தொலைவு நடைபெறுகிறது.

அதிக கூட்டம் கூடும் என்பதால் குழந்தைகள், முதியவா்கள் மற்றும் உடல்நலக் குறைவு உள்ளவா்கள் வருவதை தவிா்ப்பது நல்லது. பொதுமக்களுக்குத் தேவையான குடிநீா் வசதி மற்றும் கலை நிகழ்ச்சிகள் ஆங்காங்கே ஏற்பாடுகள் செய்யப்பட்டுள்ளன என்றாா் அவா்.

பேட்டியின்போது, கன்னியாகுமரி கிழக்கு மாவட்டத் தலைவா் கோபகுமாா், பொருளாளா் பி. முத்துராமன், மாநிலச் செயலா் மீனாதேவ், நாகா்கோவில் தொகுதி பொறுப்பாளா் எஸ்.பி.தேவ் உள்ளிட்டோா் உடனிருந்தனா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.