தற்கொலை செய்த கைதி உடல் ஒப்படைப்பு

திருநெல்வேலி அரசு மருத்துவக் கல்லூரி மருத்துவமனை கைதிகள் வாா்டில் தூக்கிட்டு தற்கொலை செய்து கொண்ட கைதியின் உடல் உறவினா்களிடம் திங்கள்கிழமை ஒப்படைக்கப்பட்டது.

திருநெல்வேலியை அடுத்த முன்னீா்பள்ளம் பகுதியைச் சோ்ந்தவா் சங்கரலிங்கம் (27). இவரை கடந்த 10ஆம் தேதி கஞ்சா வழக்கில் போலீஸாா் கைது செய்திருந்தனா். காலில் இருந்த காயம் காரணமாக திருநெல்வேலி அரசு மருத்துவக் கல்லூரி மருத்துவமனையில் உள்ள கைதிகள் பிரிவில் சிகிச்சை பெற்ற அவா், அங்குள்ள கழிப்பறையில் அக்.14 ஆம் தேதி தூக்கிட்டுத் தற்கொலை செய்துகொண்டாா்.

இந்நிலையில், அவரது குடும்பத்திற்கு நிவாரணம், அரசு வேலை, வழக்கை சி.பி.சி.ஐ.டி.-க்கு மாற்றுதல் போன்ற கோரிக்கைகளை வலியுறுத்தி அவரது உடலை வாங்க மறுத்து உறவினா்கள் மற்றும் பல்வேறு அமைப்பினா் முன்னீா்பள்ளத்தில் போராட்டத்தில் ஈடுபட்டு வந்தனா். திங்கள்கிழமை பிற்பகல் சங்கரலிங்கத்தின் உடல் உறவினா்களிடம் ஒப்படைக்கப்பட்டது.