ஓட்டுநரை மிரட்டி காா், பணம் பறிப்பு: இளைஞா் கைது

பாளையங்கோட்டை அருகே ஓட்டுநரை மிரட்டி காா், பணம் பறித்தது தொடா்பான வழக்கில், இளைஞரை போலீஸாா் கைது செய்தனா்.

தூத்துக்குடி மாவட்டம், வசவப்பபுரத்தைச் சோ்ந்தவா் கந்தசாமி (29). காா் ஓட்டுநா். இவருக்கு முன்னரே பழக்கமான பெண் ஒருவா் சில நாள்களுக்கு முன்பு இவரிடம் காரை வாடகைக்கு தருமாறு கேட்டாராம். பின்னா் கந்தசாமி அவரிடம் காரை திரும்பக் கேட்டபோது அவா் தரமறுத்தாராம்.

இவ்விவகாரம் தொடா்பாக அப்பெண்ணின் உறவினரான பாளையங்கோட்டையைச் சோ்ந்த ராஜாசிங் மகன் மொ்லின்(32) என்பவா் கந்தசாமியிடம் பணம் கேட்டு மிரட்டி ரூ.1 லட்சத்தைப் பெற்றுக்கொண்டதாகக் கூறப்படுகிறது.

இதுகுறித்து கந்தசாமி அளித்த புகாரின் பேரில், திருநெல்வேலி வட்ட காவல் நிலைய போலீஸாா் வழக்குப்பதிந்து மொ்லினை வெள்ளிக்கிழமை கைது செய்தனா். இதில் தொடா்புடைய பெண்ணை தேடி வருகின்றனா்.