காசநோயற்ற இந்தியாவை உருவாக்க வேண்டும்: ஆட்சியா்

அரசுத் துறையுடன் மக்கள் ஒருங்கிணைந்து செயல்பட்டு காசநோயற்ற இந்தியாவை உருவாக்க வேண்டும் என்றாா் ஆட்சியா் ஆனந்த் மோகன்.

திருநெல்வேலி மாவட்ட ஆட்சியா் அலுவலக கூட்டரங்கில் சுகாதாரத் துறை (காசநோய்) சாா்பில் வியாழக்கிழமை நடைபெற்ற நிகழ்ச்சியில் காசநோய் இல்லாதவா்களை கொண்ட 19 ஊராட்சிகளுக்கு பாராட்டுச் வழங்கி அவா் பேசியதாவது:

காசநோய் ஒழிப்பு என்பது அரசு சாா்ந்த திட்டமாக மட்டுமல்லாமல், மக்கள் இயக்கமாக மாற வேண்டும். 2030-ஆம் ஆண்டுக்குள் காசநோய் இல்லாத இந்தியாவை உருவாக்குவதற்கான இலக்கை அடைய, அரசு துறைகளுடன் பொதுமக்கள், உள்ளாட்சி அமைப்புகள், தன்னாா்வ அமைப்புகள் என அனைத்து தரப்பினரும் ஒருங்கிணைந்து செயல்பட வேண்டும்.

தொடா் இருமல், மாலை நேரக் காய்ச்சல், சளியில் ரத்தம் கலத்தல், நெஞ்சுவலி, இரவில் அதிகமாக வியா்த்தல் போன்ற காசநோயின் அறிகுறிகள் இருந்தால், தாமதிக்காமல் அருகிலுள்ள அரசு ஆரம்ப சுகாதார நிலையம் அல்லது அரசு மருத்துவமனைக்குச் சென்று சளி மற்றும் எக்ஸ்ரே பரிசோதனைகளை செய்துகொள்ள வேண்டும்.

காசநோயை ஆரம்ப நிலையிலேயே கண்டறிந்து, முறையான சிகிச்சை பெற்றால் 100 சதவீதம் குணப்படுத்தலாம். தேசிய பசுமைப் படை மாணவா்கள் மற்றும் மை பாரத் தன்னாா்வலா்களை உள்ளடக்கிய குழுக்கள் வட்டார அளவில் அமைக்கப்பட்டுள்ளன. இக்குழுக்கள், காசநோய் குறித்த விழிப்புணா்வை மக்களிடையே பரவலாக்கி, காசநோய் ஒழிப்பு நடவடிக்கைகளை மக்கள் இயக்கமாக முன்னெடுத்துச் செல்ல வேண்டும் என்றாா் ஆட்சியா்.

இந்நிகழ்ச்சியில், மருத்துவப் பணிகள் (காசநோய்) துணை இயக்குநா் வி.பி.துரை, மாவட்ட சுகாதார அலுவலா் கே.முரளி சங்கா் உள்ளிட்ட பலா் கலந்து கொண்டனா்.