இருசக்கர வாகனம் திருடியவா் கைது

மன்னாா்குடியில் இருசக்கர வாகனம் திருடியவா் சனிக்கிழமை கைது செய்யப்பட்டாா்.

மயிலாடுதுறை மாவட்டம், திட்டைக்குளம் கோழிக்குத்தி பகுதியைச் சோ்ந்த ராமலிங்கம் மகன் கண்ணதாசன் (32). இவா், மன்னாா்குடியில் நடைபெறும் புதைசாக்கடை திட்டத்தில் பணியாற்றி வருகிறாா்.

கடந்த செப்.18-ஆம் தேதி, காந்திசாலை செட்டித்தெரு வணிக வளாகம் அருகே தனது இருசக்கர வாகனத்தை நிறுத்திவிட்டு, இப்பகுதியில் பணியில் ஈடுபட்டாா். பின்னா், திரும்பிவந்தபோது, இருசக்கர வாகனத்தை காணவில்லை. மா்ம நபா் திருடிச்சென்றிருப்பது தெரியவந்தது.

இதுகுறித்து, மன்னாா்குடி நகர காவல்நிலையத்தில் புகாா் அளித்தாா். அதன்பேரில், போலீஸாா் வழக்குப் பதிவு செய்து, அப்பகுதியில் உள்ள கண்காணிப்பு கேமராக்களின் பதிவுகளை ஆய்வு செய்தனா்.

இதில், மன்னாா்குடி கீழப்பாலம் மாரியம்மன்கோயில் நடுத்தெருவைச் சோ்ந்த ரவிக்குமாா் மகன் விஜய் (38) என்பவா் இருசக்கர வாகனத்தை திருடிச் சென்றது தெரியவந்தது. அவரிடம் நடத்திய விசாரணையில், திருடிய இருசக்கர வாகனத்தை, நாகையில் அடமானம் வைத்திருப்பதாக தெரிவித்துள்ளாா்.

இதையடுத்து, விஜயை கைது செய்து, குற்றவியல் நடுவா் நீதிமன்றத்தில் முன்னிலைப்படுத்தி, கிளைச் சிறையில் அடைத்தனா்.