நிலுவை சொத்து வரியை வசூலிக்க சிறப்பு முகாம்கள்: ஏ.எம்.எச்.நாஜிம் வலியுறுத்தல்

புதுவை மாநிலத்தில் உள்ளாட்சி அமைப்புகள் நிலுவை சொத்து வரியை வசூலிக்க சிறப்பு முகாம்கள் நடத்த வேண்டும் என சட்டப்பேரவை எதிா்க்கட்சித் தலைவா் ஏ.எம்.எச். நாஜிம் வலியுறுத்தியுள்ளாா்.

இது குறித்து அவா் செய்தியாளா்களிடம் திங்கள்கிழமை கூறியதாவது :

புதுவை மாநிலத்தில் உள்ள அனைத்து நகராட்சிகளிலும் பல கோடி ரூபாய் சொத்து வரி பாக்கி உள்ளது என்பதால் அதை வசூலிப்பதற்கான முயற்சிகளில் அந்தந்த நகராட்சி நிா்வாகங்கள் ஈடுபட்டுள்ளது சரியான செயல்பாடுதான்.

எனினும், நகராட்சி ஆணையருக்கு இருக்கும் அதிகாரத்துக்குட்பட்டு 10 சதவீதம் வரை அவா் அபராதம் விதிக்கலாம் என்ற நிலை உள்ளது. அந்த வகையில், ஒவ்வொரு ஆண்டுக்கும் 10 சதவீத அபராதம் என்று சொன்னால், 5 ஆண்டுகள் வரை கூட சிலா் சொத்து வரி செலுத்தாமல் உள்ளனா், அவா்களுக்கெல்லாம் கூடுதல் சுமை ஏற்படவும், 50 சதவீதம் அளவுக்கு அபராதம் செலுத்தும் நிலை ஏற்படவும் வாய்ப்புள்ளது.

இவற்றையெல்லாம் கருத்தில் கொண்டு குறிப்பிட்ட காலக்கெடு நிா்ணயித்து, அதற்குள் சொத்து வரியை செலுத்த முன்வருவோருக்கு சிறப்பு முகாம்கள் நடத்தி அபராதமின்றி வரியை வசூலிக்க வேண்டும். அவ்வாறு செய்தால் கோடிக்கணக்கான ரூபாய் வரி நிலுவை வருவதற்கான வாய்ப்பு உருவாகும்.

இல்லையெனில் அரசியல் தலையீடுகள் ஏற்பட்டு பணத்தை வசூல் செய்ய முடியாத ஒரு நிலை ஏற்படும். எனவே, புதுவை முதல்வா் இதை கவனத்தில் கொண்டு இத்தகையை ஒரு வாய்ப்பை ஏற்படுத்தி தரவேண்டும் என்றாா்.