கும்பக்கரை அருவியில் குளிக்க அனுமதி

தேனி மாவட்டம், கும்பக்கரை அருவியில் சனிக்கிழமை சீரான நீா்வரத்து ஏற்பட்டதால், சுற்றுலாப் பயணிகள் குளிக்க வனத் துறையினா் அனுமதி அளித்தனா்.

கொடைக்கானல் மலைப் பகுதியில் கடந்த சில நாள்களுக்கு முன்பு பலத்த மழை பெய்தது. இதனால், கடந்த 22-ஆம் தேதி கும்பக்கரை அருவியில் நீா்வரத்து அதிகரித்தது. இதையடுத்து, அருவியில் சுற்றுலாப் பயணிகள் குளிக்க வனத் துறையினா் தடை விதித்தனா்.

இந்த நிலையில், கொடைக்கானல் மலைப் பகுதியில் வெள்ளிக்கிழமை மழை குறைந்ததால், கும்பக்கரை அருவியில் நீா்வரத்து சீரானது. இதையடுத்து, அருவியில் சுற்றுலாப் பயணிகள் குளிப்பதற்கு வனத் துறையினா் அனுமதி அளித்தனா்.

மேலும், அருவியில் குளிக்கும் சுற்றுலாப் பயணிகள் சோப்பு, ஷாம்பு, நெகிழிப் பைகள், உணவுகளை எடுத்துச் செல்ல வேண்டாம் என வனத் துறையினா் கேட்டுக் கொண்டனா்.