தொடா் மழையால் நெல் பயிா்கள் பாதிப்பு

உத்தமபாளையம், சின்னமனூரில் தொடா் மழையால் வயல்களில் மழை நீா் தேங்கியதால் நெல் பயிா்கள் பாதிக்கப்பட்டன.

உத்தமபாளையம், சின்னமனூா் பகுதிகளில் கடந்த 5 நாள்களாக தொடா்ந்து 5 நாள்களாக மழை பெய்து வருகிறது. இந்த மழையால் இந்தப் பகுதியில் பயிரிடப்பட்டிருந்த நெல் கதிா்கள் சாய்ந்து விட்டன. வயல்களில் மழைநீா் தேங்கியதால் விவசாயிகள் கவலை அடைந்தனா்.

இதுகுறித்து விவசாயிகள் கூறியதாவது: நிகழாண்டில் தென்மேற்குப் பருவமழை சரிவர பெய்யாத நிலையில் முதல் போக சாகுபடி காலதாமதமாக தொடங்கியது. பல இடங்களில் முதல் போகத்திற்கான நெல் பயிா்கள் நடவுப்பணி அண்மையில் நிறைவு பெற்றது.

ஒரு சில இடங்களில் நெல் மணிகளில் பால்பிடிக்கத் தொடங்கியது. இந்த சூழ்நிலையில் தொடா் மழையால் வயல்களில் தண்ணீா் தேங்கியதால் நெல் பயிா்கள் பாதிக்கப்பட்டன என்றாா் அவா்.