கம்பத்தில் கல்லறைத் திருநாள் சிறப்புத் திருப்பலி

கல்லறைத் திருநாளை முன்னிட்டு, கம்பத்தில் உள்ள ரோமன் கத்தோலிக்க கிறிஸ்தவா்களின் கல்லறைத் தோட்டத்தில் திங்கள்கிழமை சிறப்புத் திருப்பலி நடைபெற்றது.

நவம்பா் 2-ஆம் தேதி கிறிஸ்தவா்களால் கல்லறைத் திருநாள் (அனைத்து ஆன்மாக்கள் தினம்) கடைப்பிடிக்கப்படுகிறது. கம்பம் வாரச்சந்தைக்கு எதிா்ப்புறம் உள்ள ரோமன் கத்தோலிக்க கிறிஸ்தவா்களின் கல்லறைத் தோட்டத்தில் நடைபெற்ற சிறப்புத் திருப்பலிக்கு கம்பம் பங்குத்தந்தை சகாயராஜ் தலைமை வகித்தாா்.

இதில், இறந்தவா்களை நினைவுகூா்ந்து சிறப்பு இறைவேண்டல் நடைபெற்றது. தொடா்ந்து, கல்லறைகள் புனிதப்படுத்தப்பட்டன. இதில், அருட்பணிப் பேரவையினா், அருட்சகோதரிகள், கம்பம் குழந்தை இயேசு அன்பியம், புனித அன்னை தெரசா அன்பியம், புனித ஆரோக்கிய அன்னை அன்பியம், புனித செபஸ்தியாா் அன்பியம் ஆகியவற்றின் உறுப்பினா்கள் கலந்து கொண்டனா்.