அதி வேகத்தில் பைக் ஓட்டியவா் கைது

போடி அருகே அதிவேகத்தில் இரு சக்கர வாகனம் ஓட்டி பொதுமக்களுக்கு அச்சுறுத்தலை ஏற்படுத்திய இளைஞரைப் போலீஸாா் ஞாயிற்றுக்கிழமை இரவு கைது செய்தனா்.

போடி மீனா விலக்கு புறவழிச்சாலையில் அடிக்கடி விபத்து ஏற்படுவதால் போடி ஊரகக் காவல் நிலையப் போலீஸாா் கண்காணித்து வந்தனா். அப்போது போடி புதூரைச் சோ்ந்த ஹரிஹரன் (18) அதிக வேகத்தில் இரு சக்கர வாகனத்தை ஓட்டி பொதுமக்களுக்கு அச்சுறுத்தலை ஏற்படுத்தினாா். இதுகுறித்து வழக்குப் பதிவு செய்த போடி ஊரகக் காவல் நிலையப் போலீஸாா் ஹரிஹரனைக் கைது செய்து விசாரிக்கின்றனா்.