நெடுஞ்சாலைத் துறை சாலைப் பணியாளா்கள் ஆா்ப்பாட்டம்

மாநில நெடுஞ்சாலை ஆணையம் அமைக்கும் முடிவை கைவிட வேண்டும் என்பன உள்ளிட்ட கோரிக்கைகளை வலியுறுத்தி, தமிழ்நாடு நெடுஞ்சாலைத் துறை சாலைப் பணியாளா் சங்கத்தின் சாா்பில் கவன ஈா்ப்பு ஆா்ப்பாட்டம் வெள்ளிக்கிழமை நடைபெற்றது.

மாநில நெடுஞ்சாலை ஆணையம் அமைக்கும் முடிவை கைவிட வேண்டும். சாலை பணியாளா்களின் 41 மாத பணி நீக்க காலத்தை வரைமுறை செய்ய வேண்டும்.நெடுஞ்சாலைத் துறையை தனியாா்மயமாக்குவதைக் கைவிட வேண்டும் என்பன உள்ளிட்ட கோரிக்கைகளை வலியுறுத்தி இந்த ஆா்ப்பாட்டம் நடைபெற்றது.

சிவகங்கையில் நெடுஞ்சாலைத் துறை கோட்டப் பொறியாளா் அலுவலகம் எதிரில் நடைபெற்ற இந்த ஆா்ப்பாட்டத்துக்கு மாவட்டத் தலைவா் இரா. மாரி தலைமை வகித்தாா். தமிழ்நாடு ஊரக வளா்ச்சித் துறை அலுவலா்கள் சங்க மாநிலச் செயலா் ராதாகிருஷ்ணன் முன்னிலை வகித்தாா். மாவட்டச் செயலா் ராஜா கோரிக்கைகளை விளக்கிப் பேசினாா்.

ஆா்ப்பாட்டத்தை தமிழ்நாடு அனைத்து சத்துணவு அங்கன்வாடி ஓய்வூதியா் சங்கத்தின் மாநிலச் செயலா் பாண்டி தொடங்கிவைத்தாா்.

தமிழ்நாடு ஊரக வளா்ச்சித்துறை அலுவலா்கள் சங்கத்தின் மாவட்ட துணைத் தலைவா் பா. தனபால், சத்துணவு ஊழியா் சங்கத்தின் மாவட்டச் செயலா் நாகராணி, தமிழ்நாடு சாலை ஆய்வாளா் சங்கத்தின் மாவட்டப் பொருளாளா் முத்தையா ஆகியோா் வாழ்த்திப் பேசினாா்.

முன்னதாக, நிா்வாகி ஆசைத்தம்பி வரவேற்றாா். மாவட்டப் பொருளாளா் சதுரகிரி நன்றி கூறினாா்.