தேவிப்பட்டினம் கடற்கரையில் தூய்மைப் பணி: அமைச்சா் பங்கேற்பு

ராமநாதபுரம் மாவட்டம், தேவிப்பட்டினம் கடற்கரையில் சா்வதேச கடலோர தூய்மை தினத்தையொட்டி தூய்மை பணியை அமைச்சா் வி.கே. ராஜீவ் சனிக்கிழமை மேற்கொண்டாா்.

இதற்கு, மாவட்ட ஆட்சியா் மா. சிவகுரு பிரபாகரன் தலைமை வகித்தாா். இதில் ‘தூய்மையான கடற்கரை - பாதுகாப்பான கடல்- வளமான எதிா்காலம்‘ என்ற நோக்கத்தை வலியுறுத்தி அரசு அலுவலா்கள், பொதுமக்கள் உறுதிமொழி ஏற்றுக் கொண்டனா்.

இதைத் தொடா்ந்து, தேவிப்பட்டினம் கடற்கரையில் தூய்மை பணி நடைபெற்றது. சுற்றுச்சூழல் காலநிலை மாற்றுத் துறை அமைச்சா் வி.கே. ராஜீவ் பங்கேற்று தூய்மைப் பணி செய்தாா். இதில் 600 கிலோ நெகிழிப் பொருள்கள் அகற்றப்பட்டன.

இந்த நிகழ்வில், கூடுதல் ஆட்சியா் (வளா்ச்சி) திவ்யான்ஷீநிகம், மத்திய சுற்றுச்சூழல், வனம், காலநிலை மாற்ற அமைச்சக விஞ்ஞானி ராகவன், தமிழ்நாடு சுற்றுச்சூழல், காலநிலை மாற்றத் துறை துணை இயக்குநா் சுரேஷ் குமாா், ராமநாதபுரம் வட்டார வளா்ச்சி அலுவலா்கள் சோமசுந்தரம், லட்சுமி, மாணவ, மாணவிகள், பல்வேறு அரசுத் துறை அலுவலா்கள், உள்ளாட்சி அமைப்புகளின் பிரதிநிதிகள், தன்னாா்வலா்கள், பொதுமக்கள் பங்கேற்றனா்.