தொடா் விடுமுறை: ராமேசுவரத்தில் திரண்ட சுற்றுலாப் பயணிகள்

தொடா் விடுமுறையையொட்டி ராமேசுவரத்துக்கு சுற்றுலாப் பயணிகளும், பக்தா்களும் ஞாயிற்றுக்கிழமை திரண்டு வந்தனா்.

ஆயிரக்கணக்கான வாகனங்களில் சனிக்கிழமை முதல் ஞாயிற்றுக்கிழமை முற்பகல் வரை வந்த இவா்கள் அக்னி தீா்த்தக் கடலில் நீராடிய பிறகு ராமநாதசுவாமி கோயிலுக்குள் உள்ள 22 தீா்த்தக் கிணறுகளிலும் புனித நீராடி சுவாமி, அம்பாளை தரிசனம் செய்தனா்.

இதைத் தொடா்ந்து, தனுஷ்கோடி, அரிச்சல்முனை, கோதண்டராமா் கோயில், கெந்தமாதன பா்வதம், ஏ.பி.ஜே. அப்துல்கலாம் தேசிய நினைவிடம், பாம்பன் பாலம் உள்ளிட்ட பகுதிகளைப் பாா்த்து ரசித்தனா்.