மதுரை மீனாட்சி சுந்தரேசுவரா் கோயிலில் பல்லாயிரக்கணக்கானோா் சுவாமி தரிசனம்

தொடா் விடுமுறை என்பதால், மதுரை மீனாட்சி சுந்தரேசுவரா் கோயிலில் ஞாயிற்றுக்கிழமை பல்லாயிரக்கணக்கான பக்தா்கள் சுவாமி தரிசனம் செய்தனா்.

இந்தக் கோயிலின் குடமுழுக்கு கடந்த 17-ஆம் தேதி நடைபெற்றது. குடமுழுக்கைத் தொடா்ந்து, கடந்த 18-ஆம் தேதி முதல் மண்டல பூஜை தொடங்கி நடைபெற்றது. இதையொட்டி, ஐதீக முறைப்படி சுவாமி, அம்மனுக்கு சிறப்பு அபிஷேகங்கள், பூஜைகள் நடத்தப்பட்டன.

மதுரை மீனாட்சி சுந்தரேசுவரா் கோயிலில் வருகிற 11-ஆம் தேதி நவராத்திரி பூஜை தொடங்கவுள்ளதையொட்டி, குடமுழுக்கு மண்டல பூஜை 15 நாள்களுக்கு மட்டுமே நடைபெறும் என அறிவிக்கப்பட்டது. எனவே, கடந்த 18-ஆம் தேதி முதல் இந்தக் கோயிலில் தினமும் பல்லாயிரக்கணக்கான பக்தா்கள் சுவாமி தரிசனம் செய்தனா். இதனிடையே, மண்டல பூஜை வெள்ளிக்கிழமை நிறைவு பெற்றது. அன்றைய தினம் காந்தி ஜெயந்தி விடுமுறை என்பதால், பல்லாயிரக்கணக்கான பக்தா்கள் சுமாா் 3 மணி நேரம் முதல் 5 மணி நேரம் வரை காத்திருந்து சுவாமி தரிசனம் செய்தனா். இதேபோல, சனிக்கிழமையும் திரளான பக்தா்கள் சுவாமி தரிசனம் செய்தனா்.

காலாண்டுத் தோ்வு விடுமுறை நிறைவு பெறுவதையொட்டி, ஞாயிற்றுக்கிழமை அதிகாலை முதலே பக்தா்கள் நீண்ட வரிசையில் காத்திருந்து சுவாமி தரிசனம் செய்தனா். நாட்டின் பல்வேறு பகுதிகளைச் சோ்ந்த பல்லாயிரக்கணக்கான பக்தா்கள் சுமாா் 5 மணி நேரம் வரை வரிசையில் காத்திருந்து சுவாமி தரிசனம் செய்தனா். இதனால், நான்கு சித்திரை வீதிகளிலும் பக்தா்கள் கூட்டம் அதிகமாக இருந்தன. இதுமட்டுமன்றி, ஆவணி மூல வீதிகள், மாசி வீதிகளில் போக்குவரத்து நெரிசல் ஏற்பட்டது.