பழனியில் 21 கிலோ கஞ்சா பறிமுதல்: மூவா் கைது

பழனி அருகே சின்னக்கலையமுத்தூா் பகுதியில் புதன்கிழமை 21 கிலோ கஞ்சா பறிமுதல் செய்யப்பட்ட வழக்கில் மூவா் கைது செய்யப்பட்டுள்ளனா்.

பழனி அருகே சின்னக்கலையமுத்தூரில் கல்லூரி இயங்கி வரும் நிலையில் அங்கு சிலா் கஞ்சா விற்பனை செய்வதாக போலீஸாருக்கு தகவல் கிடைத்தது. இதையடுத்து அந்தப் பகுதியில் சிலரைக் குறிவைத்து காவல் ஆய்வாளா் மேற்கொண்ட நடவடிக்கையில் மூன்று போ் கைது செய்யப்பட்டு அவா்களிடம் இருந்து 21 கிலோ கஞ்சா பறிமுதல் செய்யப்பட்டது. விசாரணையில் அவா்கள் சாமிநாதபுரத்தைச் சோ்ந்த ஜெயபால் மகன் வில்சன்(20), வி.கே. மில்ஸ் பகுதியைச் சோ்ந்த பிரபு மகன் தா்ஷன்(19), செல்வராஜ் மகன் ஜான்சன்(23) என்பது தெரியவந்தது.

இதையடுத்து மூவரையும் நீதிமன்றத்தில் முன்னிலைப்படுத்தி சிறையில் அடைத்தனா். இவா்களில் இருவா் கோவையில் உள்ள தனியாா் பொறியியல் கல்லூரி மாணவா்கள் என்பது குறிப்பிடத்தக்கது.

இதுகுறித்து மாவட்ட காவல் கண்காணிப்பாளா் ஜெயக்குமாா் அளித்த பேட்டியில், கைது செய்யப்பட்ட மூவா் ஒடிஸா மாநிலம் முனிக்குடா பகுதிக்குச் சென்று கஞ்சா வாங்கிவந்து கஞ்சா விற்று வந்ததாகத் தெரிவித்தாா்.

திண்டுக்கல் மாவட்டத்தில் நடப்பு ஆண்டில் இதுவரை 249 கிலோ கஞ்சா பறிமுதல் செய்யப்பட்டு 545 போ் கைது செய்யப்பட்டுள்ளதாகவும் தெரிவித்தாா்.