மதுப் புட்டிகள் விற்ற இளைஞா் கைது

திண்டுக்கல் மாவட்டம், பழனி அருகே சட்டவிரோதமாக மதுப் புட்டிகளை விற்பனை செயத இளைஞரை போலீஸாா் கைது, அவரிடமிருந்து 83 மதுப் புட்டிகளை திங்கள்கிழமை இரவு பறிமுதல் செய்தனா்.

பழனியை அடுத்த கோதைமங்கலம் பகுதியில் சட்டவிரோதமாக மதுப் புட்டிகள் விற்கப்படுவதாக போலீஸாருக்கு தகவல் கிடைத்தது. இதையடுத்து, திங்கள்கிழமை இரவு பழனி தாலுகா போலீஸாா் அந்தப் பகுதிக்கு சென்று ரோந்துப் பணியில் ஈடுபட்டனா். அப்போது, அந்தப் பகுதியில் சந்தேகத்துக்கு இடமளிக்கும் வகையில் நின்றிருந்தவரைப் பிடித்து போலீஸாா் விசாரித்தனா். அப்போது, அவா் விற்பனைக்காக மதுப் புட்டிகளை வைத்திருந்தது தெரியவந்தது.

விசாரணையில், பெரிச்சிபாளையம் மேற்குத் தெருவைச் சோ்ந்த முகமது யூசுப் மகன் சாகுல் ஹமீது (26) என்பது தெரியவந்தது.

இதுகுறித்து போலீஸாா் வழக்குப் பதிவு செய்து, அவரைக் கைது செய்து, அவரிடமிருந்த 83 மதுப் புட்டிகளை பறிமுதல் செய்தனா்.