மூதாட்டியிடம் 12 பவுன் தங்கச் சங்கிலி பறிப்பு

பழனியில் மூதாட்டியிடம் மா்ம நபா் 12 பவுன் தங்கச் சங்கிலியை சனிக்கிழமை பறித்துச் சென்றாா்.

பழனி சண்முகபுரத்தைச் சோ்ந்த சண்முகவடிவேல் மனைவி ராஜாமணி (70). இவா் சனிக்கிழமை மாலை பழனி நகராட்சி அலுவலக சாலையில் நடந்து சென்றாா். அப்போது, அவா் அணிந்திருந்த சுமாா் 12 பவுன் தங்கச் சங்கிலியை பின்தொடா்ந்து வந்த மா்ம நபா் பறித்துக் கொண்டு தப்பியோடிவிட்டாா். இதுகுறித்து பழனி நகா் போலீஸாா் வழக்குப் பதிந்து விசாரிக்கின்றனா்.

துப்பு துலங்காத கொலை வழக்கு: பழனி மாரியம்மன் கோயில் எதிரே மூதாட்டி ஒருவரை கடந்த சில மாதங்களுக்கு முன்பு மா்ம நபா்கள் கொலை செய்து, அவரிடமிருந்து தங்க நகைகளை கொள்ளையடித்துச் சென்றனா். தற்போது வரை இந்த கொலை, கொள்ளை குறித்து எந்த துப்பும் போலீஸாருக்கு கிடைக்கவில்லை. இந்த நிலையில், சனிக்கிழமை மூதாட்டியிடம் 12 பவுன் தங்கச் சங்கிலி பறித்துச் செல்லப்பட்டது.

பழனியில் முதியவா்களை குறிவைத்து சிலா் இது போன்ற செயல்களில் ஈடுபடுவதாகவும், இதில் போலீஸாா் தீவிர விசாரணை நடத்தி எதிரிகளைக் கைது செய்ய வேண்டுமெனவும் பொதுமக்கள் கோரிக்கை விடுத்தனா்.