வாக்காளா் விழிப்புணா்வு மாரத்தான்: ஏப்.6-க்குள் முன் பதிவு செய்யலாம்

வாக்களிப்பது குறித்து விழிப்புணா்வு ஏற்படுத்துவதற்கான மாரத்தான் போட்டி ஏப்.7-ஆம் தேதி நடைபெறுகிறது.

மாரத்தான

Updated On :2 ஏப்ரல் 2026, 4:49 am IST

வாக்களிப்பது குறித்து விழிப்புணா்வு ஏற்படுத்துவதற்கான மாரத்தான் போட்டி ஏப்.7-ஆம் தேதி நடைபெறுகிறது.

இதுதொடா்பாக திண்டுக்கல் மாவட்ட நிா்வாகம் சாா்பில் வெளியிட்ட செய்திக் குறிப்பு:

சட்டப்பேரவைத் தோ்தலை முன்னிட்டு பொதுமக்களிடையே 100 சதவீத வாக்களிப்பு தொடா்பாக விழிப்புணா்வு ஏற்படுத்தும் வகையில் மாரத்தான் ஓட்டப் போட்டி ஏப்.7-ஆம் தேதி காலை 6 மணிக்கு நடைபெறும். திண்டுக்கல் சாலை ரோட்டிலுள்ள பாரத ஸ்டேட் வங்கி முன்பு தொடங்கும் இந்த மாரத்தான், மாவட்ட விளையாட்டு அரங்கில் நிறைவுபெறும். பள்ளி, கல்லூரி மாணவ மாணவிகள், பொதுமக்கள் (இருபாலா்) பங்கேற்கலாம்.

இதில் வெற் பெறுவோருக்கு முதல் பரிசு ரூ.5 ஆயிரம், 2-ஆம் பரிசு ரூ.4 ஆயிரம், 3 -ஆம் பரிசு ரூ.3 ஆயிரம், 4ஆம் பரிசு ரூ.2ஆயிரம், 5ஆம் பரிசு ரூ.1000, 6 முதல் 10 இடங்களுக்கு தலா ரூ.500 என இருபாலருக்கும் தனித் தனியே மொத்தம் 20 நபா்களுக்கு பரிசுத்தொகை, சான்றிதழ், கோப்பை வழங்கப்படும்.

க்யூஆா் கோடு அல்லது இணைய வழியில் ஏப்.6ஆம் தேதிக்குள் முன் பதிவு செய்து போட்டியில் பங்கேற்கும் நபா்களுக்கு டி-ஷா்ட், பங்கேற்பு சான்றிதழ் வழங்கப்படும். கூடுதல் விவரங்களுக்கு மாவட்ட விளையாட்டு அலுவலரை 74017 03504 என்ற எண்ணிலும், பயிற்றுநா்களை 9865208374, 7904654177 ஆகிய எண்களிலும் தொடா்பு கொள்ளலாம் என தெரிவிக்கப்பட்டது.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.

தொடர்புடையது