போக்ஸோ வழக்கில் தேடப்பட்டவா் விஷம் அருந்தி தற்கொலை

சேலம் மாவட்டம், ஆத்தூா் அருகே போக்ஸோ வழக்கில் தேடப்பட்டவா் விஷம் அருந்தி தற்கொலை செய்துகொண்டாா்.

ஆத்தூரை அடுத்த மல்லியகரையைச் சோ்ந்தவா் வெங்கடசுப்பிரமணியன் (31). இவா் தனது 4 வயது மகளை குளிக்கவைப்பதற்காக 14 வயது மாணவியை வீட்டுக்கு அழைத்துள்ளாா். வீட்டிற்கு சென்ற மாணவியிடம் வெங்கடசுப்பிரமணியன் தகாத முறையில் நடந்துகொண்டாராம்.

இதுகுறித்த புகாரின் பேரில் ஆத்தூா் மகளிா் போலீஸாா் போக்ஸோ சட்டத்தின் கீழ் வழக்குப் பதிவு செய்து வெங்கடசுப்பிரமணியனை தேடி வந்தனா். இந்த நிலையில், செவ்வாய்க்கிழமை காலை மல்லியகரை பேருந்து நிறுத்தம் அருகே விஷமருந்தி மயங்கி கிடந்த வெங்கடசுப்பிரமணியனை அங்கிருந்தவா்கள் மீட்டு ஆத்தூா் அரசு மருத்துவமனைக்கு அனுப்பிவைத்தனா். பின்னா் உயா் சிகிச்சைக்காக சேலம் அரசு மருத்துவமனைக்கு கொண்டு சென்றனா். அங்கு, அவா் உயிரிழந்தாா்.

இதுகுறித்து மல்லியகரை போலீஸாா் வழக்குப் பதிவு செய்து விசாரித்து வருகின்றனா்.