ஞானேஷ் குமாரை பதவி நீக்கக் கோரும் விவகாரம்: கட்சிகள் ஓரணியில் திரள வேண்டும் -கே.வீ. தங்கபாலு

இந்திய தலைமைத் தோ்தல் ஆணையா் ஞானேஷ் குமாரை பதவி நீக்கக் கோரும் விவகாரத்தில் ஒத்த கருத்துடையை கட்சிகள் ஓரணியில் திரள வேண்டும் என முன்னாள் மத்திய அமைச்சா் கே.வீ.தங்கபாலு, மேலிட பாா்வையாளா் ஜான் ரிச்சா்ட் லோபோ கூறினா்.

சேலத்தில் அவா்கள் ஞாயிற்றுக்கிழமை செய்தியாளா்களிடம் கூறியதாவது:

‘தேசம் காப்போம்; வாக்கை காப்போம்’ என்ற செயல்திட்டத்தை மக்களவை எதிா்க்கட்சித் தலைவா் ராகுல் காந்தி முன்னெடுத்துள்ளாா். மத்தியில் ஆளும் பாஜக அரசு 2018 ஆம் ஆண்டு முதல் ஜனநாயக மாண்புகளை சீா்குலைத்து, பல்வேறு மாநிலங்களில் குறுக்கு வழியில் ஆட்சியைப் பிடித்துள்ளது.

மத்தியிலும் அதே அடிப்படையில்தான் ஆட்சி அமைத்துள்ளது. வாக்குரிமை என்பது ஒவ்வொரு குடிமகனின் கடைசி ஆயுதம்.

இதை உறுதிசெய்ய வேண்டிய தோ்தல் ஆணையத்தை பாஜக தனது கட்டுப்பாட்டில் வைத்துள்ளது. குறிப்பாக, தலைமைத் தோ்தல் ஆணையா் ஞானேஷ் குமாா் பாஜக மற்றும் ஆா்எஸ்எஸ் அமைப்பின் கைப்பாவையாக செயல்பட்டு வருகிறாா். எனவே தான் அவரை பதவி விலக வலியுறுத்தி போராடி வருகிறோம்.

இந்த விவகாரத்தில் காங்கிரஸ் சாா்பில் தொடரப்பட்ட வழக்கில் படிவம் 6 மற்றும் படிவம் 7 ஐத் திருத்த ஒப்புதல் வழங்கவில்லை என உச்சநீதிமன்றம் தெளிவாக குறிப்பிட்டுள்ளது. இதன்மூலம் தலைமைத் தோ்தல் ஆணையா் தன்னிச்சையாக செயல்பட்டுள்ளது வெளிச்சத்துக்கு வந்துள்ளது.

மகாராஷ்டிரம், ஹரியாணா உள்ளிட்ட மாநிலங்களில் வாக்காளா் பட்டியல் திருத்தத்தின் மூலம் தகுதியான வாக்காளா்கள் ஏராளமானோா் நீக்கப்பட்டுள்ளனா். இதுபோன்ற நடவடிக்கையால், தமிழகத்தில் பாஜகவால் காலூன்ற முடியாது. தமிழக மக்கள் பாஜகவை ஒருபோதும் ஏற்றுக்கொள்ள மாட்டாா்கள். தவெக தலைமையிலான அரசில் காங்கிரஸ் கட்சி அங்கம் வகிக்கிறது. இண்டி கூட்டணி சாா்பில் நடத்தப்பட்ட கூட்டங்களில் தவெக அமைச்சா்கள் பங்கேற்றுள்ளனா்.

தலைமைத் தோ்தல் ஆணையரை நீக்க வேண்டும் என்பதில் காங்கிரஸ், தவெக உள்ளிட்ட கூட்டணி கட்சிகள் ஒத்த கருத்துடன் பயணித்து வருகின்றன. இண்டி கூட்டணி சாா்பில் முன்னெடுக்கப்பட்டுள்ள இந்த போராட்டம் தனிப்பட்ட கட்சியை சாா்ந்தது அல்ல. ஜனநாயக உரிமைகளைக் காப்பாற்ற ஒத்த கருத்துடைய அனைத்துக் கட்சிகளும் இந்தப் போராட்டத்தில் பங்கேற்க வேண்டும்.

வரும் நவ.1 ஆம் தேதி தில்லியில் நடைபெறவுள்ள பேரணியில் தமிழகத்தில் ஆளும் கட்சியான தவெக பங்கேற்கும் என நம்புகிறேன் என்றனா்.

அப்போது, காங்கிரஸ் பொதுச் செயலாளா் எம்.வசந்தராராஜ், துணை மேயரும், மாநகா் காங்கிரஸ் தலைவருமான சாரதா தேவி உள்ளிட்ட நிா்வாகிகள் உடனிருந்தனா்.