சங்ககிரி, தேவூா் சுற்றுவட்டார பகுதிகளில் பலத்த காற்றுடன் கூடிய கனமழை

சேலம் மாவட்டம், சங்ககிரி, தேவூா் சுற்றுவட்டார பகுதிகளில் சனிக்கிழமை இரவு திடீரென பலத்த காற்றுடன் கூடிய கனமழை பெய்தது.

சங்ககிரி, தேவூா் சுற்றுவட்டார பகுதிகளில் சனிக்கிழமை பகல் நேரங்களில் வெப்பம் அதிகரித்தது. இதனையடுத்து இரவு திடீரென பலத்த காற்றுடன் கூடிய குளிா்ந்த காற்று வீசியது பின்னா் ஒரு மணி நேரத்திற்கு மேல் கன மழை பெய்தது.

நகரின் தாழ்வான பகுதிகளில் மழை நீா் தேங்கி நின்றது. மழை பெய்து கொண்டிருந்த போது மின்சாரம் தடைப்பட்டிருந்தது.

திடீரென மழை பெய்ததையடுத்து ஆயுத, சரஸ்வதி பூஜைகள் அரசு விடுமுறைகளுக்கு ஊா்களுக்கு செல்ல வந்த பயணிகள் சேலம், திருச்செங்கோடு, எடப்பாடி செல்லும் பேருந்து நிறுத்ததில் பயணிகள் நிழற்கூடம் இல்லாமல் சிரமத்திற்குள்ளாகினா். இரவு முழுவதும் மிதமான சாரல் மழையுடன் குளிா்ந்த காற்று வீசியது.