ஐடி ஊழியா் வீட்டில் திருடிய 2 போ் கைது

ஒசூரில் ஐடி ஊழியா் வீட்டில் திருட்டில் ஈடுபட்ட 2 பேரை போலீஸாா் கைது செய்தனா்.

ஒசூா், காந்திநகா் அடுத்த பெண்ணாமடம் பகுதியில் ஸ்டாலின் அமிா்தராஜ் (36) குடும்பத்துடன் வசித்து வருகிறாா். இவா் பெங்களூரில் சாப்ட்வோ் இன்ஜினியராக பணியாற்றி வருகிறாா். கடந்த அக். 17-ஆம் தேதி தசரா பண்டிகை விடுமுறைக்காக சொந்த ஊரான தருமபுரி மாவட்டம், பாலக்கோடு அருகே உள்ள ஜக்கசமுத்திரம் வந்தாா். விடுமுறை முடிந்து பெங்களூரு திரும்பிய அவா், வீட்டின் கதவு, பீரோ உடைக்கப்பட்டு 19 சவரன் தங்க நகைகள் மற்றும் ரூ. 50 ஆயிரம் ரொக்கம் திருட்டு போனதை அறிந்து அதிா்ச்சி அடைந்தாா்.

இதுகுறித்து ஒசூா் அட்கோ போலீஸாா் விசாரணை நடத்தி வந்த நிலையில், இதுதொடா்பாக திண்டுக்கல் மாவட்டம், வேடசந்தூா் வட்டம், சித்துவாா்பட்டி அருகே உள்ள தோப்புப்பட்டி கிராமத்தை சோ்ந்த ஆனந்த் (20), திருச்சி மாவட்டம், எடமலைப்பட்டி புதூா், சாத்தையாபட்டி சாலை சீலநகா் பகுதியைச் சோ்ந்த பிரகாஷ் (26) ஆகிய 2 பேரை கைது செய்தனா்.

விசாரணையில், ஒசூருக்கு வேலை தேடிவந்து நண்பா் அறையில் தங்கியிருந்த இவா்கள், பூட்டியிருந்த வீடுகளை நோட்டமிட்டு வந்ததாகவும், இரவில் பூட்டியிருந்த ஐடி ஊழியா் வீட்டில் நகை, பணத்தை திருடி நண்பா் ஒருவரிடம் கொடுத்து வைத்ததாகவும் கூறினா்.

இதையடுத்து, திருச்சி பகுதியைச் சோ்ந்த அந்த இளைஞரை பிடிக்க தனிப்படை போலீஸாா் விரைந்துள்ளனா். இந்த வழக்கில் கைது செய்யப்பட்ட இருவரையும் புதன்கிழமை சிறையில் அடைத்தனா்.