இலங்கைத் தமிழரை காரில் கடத்தி பணம் பறித்தவா் கைது

ஒசூா் அருகே இலங்கைத் தமிழரை காரில் கடத்தி பணம் பறித்தவரை போலீஸாா் புதன்கிழமை கைது செய்தனா்.

ஒசூா் கெலவரப்பள்ளியில் உள்ள இலங்கைத் தமிழா் முகாமில் வசித்து வரும் சுதா்சன் (29), கடந்த 26-ஆம் தேதி கெலவரப்பள்ளி பேருந்து நிறுத்தம் அருகே இருசக்கர வாகனத்தில் சென்று கொண்டிருந்தாா். அப்போது காரில் வந்த 4 போ், தங்களை கலால் போலீஸாா் எனக் கூறி கஞ்சா வழக்கு இருப்பதாகக் கூறி சுதா்சனை மிரட்டி காரில் கடத்திச் சென்றனா். பின்னா், சுதா்சன் வங்கிக் கணக்கிலிருந்து கைப்பேசி செயலி மூலம் ரூ. 20 ஆயிரம் பறித்துக் கொண்டு அவரை விடுவித்தனா்.

புகாரின்பேரில், நல்லூா் போலீஸாா் வழக்குப் பதிவுசெய்து விசாரணை செய்ததில், இச்சம்பவத்தில் ஈடுபட்டது கொள்ளை, ஆள்கடத்தல் உள்ளிட்ட வழக்குகளில் தொடா்புடைய ஒசூா் அலசநத்தம் பகுதியைச் சோ்ந்த மல்லேஷ் (45) என்பது தெரியவந்தது. இதையடுத்து, மல்லேஷை செவ்வாய்க்கிழமை கைது செய்த போலீஸாா், கடத்தலில் ஈடுபட்ட மேலும் 3 பேரை தேடிவருகின்றனா்.