கஞ்சா சாக்லெட் விற்பனை செய்த இளைஞா் கைது

அவிநாசி அருகே கஞ்சா சாக்லெட் விற்பனையில் ஈடுபட்ட இளைஞரை போலீஸாா் திங்கள்கிழமை கைது செய்தனா். அவரிடம் இருந்து 4.600 கிலோ கஞ்சா சாக்லெட்டுகள் பறிமுதல் செய்யப்பட்டன.

அவிநாசி- அன்னூா் சாலை, சுண்டக்காம்பாளையத்தில் போலீஸாா் வாகனச் சோதனையில் ஈடுபட்டிருந்தனா். அப்போது, அங்கு சந்தேகத்துக்கு இடமளிக்கும் வகையில் கையில் பையுடன் நின்று கொண்டிருந்த நபரிடம் சோதனை மேற்கொண்டனா்.

அப்போது, அவா் விற்பனைக்காக கஞ்சா சாக்லெட்டுகள் வைத்திருந்தது தெரியவந்தது. விசாரணையில், பிகாா் மாநிலத்தைச் சோ்ந்த சக்கத் ஷா மகன்

சுபாஷ் ஷா (25) என்பதும், சுண்டக்காம்பாளையம் பகுதியில் தங்கி பனியன் நிறுவனத்தில் பணியாற்றி வருவதும் தெரியவந்தது.

இதையடுத்து, சுபாஷ் ஷாவைக் கைது செய்த போலீஸாா், அவரிடமிருந்த 4.600 கிலோ கஞ்சா சாக்லெட்டுகளை பறிமுதல் செய்தனா்.