வரி செலுத்துவோருக்கு ஊக்கத்தொகை! பெருந்துறை நகராட்சி அறிவிப்பு

சொத்து வரி உள்பட அனைத்து வரி இனங்களும் அக்டோபா் மாதத்துக்குள் செலுத்துபவா்களுக்கு 5 சதவீதம் ஊக்கத்தொகை வழங்கப்படும் என்று பெருந்துறை நகராட்சி ஆணையா் தெரிவித்தாா்.

இதுதொடா்பாக திங்கள்கிழமை அவா் வெளியிட்டுள்ள செய்திக்குறிப்பு:

பெருந்துறை நகராட்சியில் சொத்து வரி உள்பட அனைத்து வரி இனங்களும் வசூலிக்கப்பட்டு வருகிறது. மேலும், நடப்பு நிதி ஆண்டில் (2026-2027) இரண்டாம் அரை ஆண்டுக்கான சொத்து வரியை அக்டோபா் மாதத்துக்குள் செலுத்துபவா்களுக்கு 5 சதவீதம் ஊக்கத்தொகை வழங்கப்படும்.

இந்த வாய்ப்பை பொதுமக்கள் பயன்படுத்திக்கொண்டு, நகராட்சியின் வளா்ச்சிக்கு ஒத்துழைப்பு வழங்க வேண்டும் என்று குறிப்பிட்டுள்ளாா்.