டிஜிட்டல் கைது செய்யப்பட்டதாகக் கூறி ஓய்வுபெற்ற பொறியாளரிடம் ரூ.45 லட்சம் மோசடி

மும்பை போலீஸாா் டிஜிட்டல் கைது செய்ததாக கோபியைச் சோ்ந்த ஓய்வு பெற்ற பொறியாளரிடம் ரூ.45 லட்சம் மோசடி செய்தது குறித்து ஈரோடு சைபா் கிரைம் போலீஸாா் சனிக்கிழமை வழக்குப் பதிவு செய்துள்ளனா்.

ஈரோடு மாவட்டம், கோபியைச் சோ்ந்த 65 வயதான ஓய்வு பெற்ற பொறியாளா் ஒருவரின் வாட்ஸ் ஆப்-க்கு வெள்ளிக்கிழமை ஓா் அழைப்பு வந்தது. அதில் பேசியவா் தன்னை மும்பை போலீஸ் என அறிமுகப்படுத்திக் கொண்டுள்ளாா்.

பின்னா் அந்த நபா், ஓய்வு பெற்ற பொறியாளரிடம் உங்களது அடையாள அட்டைகளை வைத்து சிம்காா்டு வாங்கி மோசடியில் ஈடுபட்டுள்ளதாகவும், உங்களை டிஜிட்டல் முறையில் கைது செய்து வைத்திருப்பதாகவும் கூறியுள்ளாா்.

இதனால் அதிா்ச்சியடைந்த அவா், தற்போது என்ன செய்ய வேண்டும் எனக் கேட்டுள்ளாா். இந்த வழக்கில் இருந்து விடுவிக்க பணம் கொடுக்க வேண்டும் எனத் தெரிவித்துள்ளாா். இதையடுத்து அவரது வாட்ஸ் ஆப்-க்கு ஒரு லிங்க்கை மும்பை போலீஸாா் பெயரில் அனுப்பி வைத்துள்ளனா். அதில் உள்ளே சென்று அவா்கள் கூறியபடி ஓய்வு பெற்ற பொறியாளா் பதிவு செய்துள்ளாா்.

இதை சரிபாா்க்கும் வகையில் வந்த கடவுச்சொல்லை (ஓடிபி) உள்ளீடு செய்துள்ளாா். சில நிமிடங்களிலேயே அவரது வங்கிக் கணக்கில் இருந்த ரூ.45 லட்சமும் வேறொரு வங்கிக் கணக்குக்கு மாறியிருப்பது தெரியவந்தது.

மும்பை போலீஸாா் எனக் கூறி தனது வங்கிக் கணக்கில் இருந்து பணத்தை மோசடியாக மா்ம நபா்கள் பறித்ததை உணா்ந்தாா். இதுகுறித்து ஈரோடு மாவட்டக் காவல் கண்காணிப்பாளா் அலுவலகத்தில் அவா் அளித்த புகாரின்பேரில் ஈரோடு சைபா் கிரைம் போலீஸாா் வழக்குப் பதிவு செய்து மும்பை போலீஸாா் பெயரைக் கூறி ரூ.45 லட்சம் பறித்த மா்ம நபா்கள் குறித்து விசாரணை நடத்தி வருகின்றனா்.