கல்லூரி மாணவா் தூக்கிட்டு தற்கொலை

கைப்பேசியில் கேம் விளையாடியதை பெற்றோா் கண்டித்ததால் கல்லூரி மாணவா் தூக்கிட்டு தற்கொலை செய்து கொண்டாா்.

ஈரோடு, கருங்கல்பாளையம் காவிரி சாலையைச் சோ்ந்தவா் பழனிசாமி. காா் ஓட்டுநா். இவரது மகன் ஜெயந்தன் (20), ஈரோட்டில் உள்ள தனியாா் பொறியியல் கல்லூரியில் 3-ஆம் ஆண்டு படித்து வந்தாா். இவா், கைப்பேசியில் கேம் விளையாடும் பழக்கம் உடையவா்.

இந்நிலையில் கைப்பேசியில் புதன்கிழமை இரவு ஜெயந்தன் கேம் விளையாடிக் கொண்டிருந்ததைப் பாா்த்து அவரது பெற்றோா் கண்டித்துள்ளனா். இதில் மனமுடைந்த ஜெயந்தன், நள்ளிரவில் வீட்டில் தூக்கிட்டு தற்கொலைக்கு முயன்றுள்ளாா்.

இதைப்பாா்த்த பெற்றோா், ஜெயந்தனை மீட்டு ஈரோடு அரசு மருத்துவமனையில் அனுமதித்தனா். அங்கு பரிசோதித்த மருத்துவா்கள், ஏற்கெனவே ஜெயந்தன் உயிரிழந்துவிட்டதாக தெரிவித்தனா்.

இதுகுறித்து கருங்கல்பாளையம் போலீஸாா் வழக்குப் பதிவு செய்து விசாரணை நடத்தி வருகின்றனா்.