சுகாதார சீா்கேட்டை கண்டித்து பொதுமக்கள் சாலை மறியல்

அந்தியூா் அருகே கழிவுகள் கொட்டப்பட்டதால் சுகாதார சீா்கேடு ஏற்பட்டதைத் தொடா்ந்து, பொதுமக்கள் புதன்கிழமை சாலை மறியல் போராட்டத்தில் ஈடுபட்டனா்.

அந்தியூா், செம்புளிச்சாம்பாளையத்தை அடுத்த சின்ன பருவாச்சியைச் சோ்ந்தவா் விஜயன் (40). இவா், தனக்கு சொந்தமான நிலத்தில் பள்ளமான பகுதியில் சாயக்கழிவுகளை கொட்டி நிரப்பியுள்ளாா். இதனால், அப்பகுதியில் துா்நாற்றம் வீசுவதோடு, சுகாதார சீா்கேடும் நிலவுகிறது. இதுகுறித்து, மாவட்ட ஆட்சியருக்கு புகாா் மனு அளித்தும் நடவடிக்கை இல்லை.

இதனால், ஏமாற்றமடைந்த அப்பகுதி மக்கள் பவானி - அந்தியூா் சாலையில், செம்புளிச்சாம்பாளையம் பேருந்து நிறுத்தத்தில் திரண்டு சாலை மறியலில் ஈடுபட்டனா். சம்பவ இடத்துக்கு விரைந்த அந்தியூா் வட்டாட்சியா் சக்திவேல் மற்றும் போலீஸாா் பேச்சுவாா்த்தை நடத்தியதோடு, கழிவுகளை அகற்ற நடவடிக்கை எடுப்பதாக கூறினா். இதனால், போராட்டத்தைக் கைவிட்ட பொதுமக்கள் கலைந்து சென்றனா்.