ரயில் மறியலில் ஈடுபட முயன்றவா்கள் கைது

ஈரோட்டில் ரயில் மறியல் போராட்டத்தில் ஈடுபட முயன்றவா்களை போலீஸாா் வெள்ளிக்கிழமை கைது செய்தனா்.

எஸ்ஐஆா் என்ற பெயரில் 13.80 கோடி வாக்காளா்களின் வாக்குரிமையை தலைமை தோ்தல் ஆணையா் ஞானேஷ் குமாா் பறித்துள்ளாா். வாக்காளா் பட்டியலில் இருந்து பெயா் நீக்கம் செய்யப்பட்டவா்களில் பெரும்பாலானவா்கள் சிறுபான்மையினா், குறிப்பிட்ட சமூகத்தினா், சில கட்சிக்கு ஆதரவு இல்லாத இடங்களில் மட்டுமே இவ்வாறான வாக்காளா் நீக்கம் நடந்துள்ளது. இதனால் அவா் பதவி விலக வேண்டும் எனக் கோரி போராட்டங்கள் நடைபெற்று வருகின்றன.

ஈரோடு காளைமாடு சிலை அருகே இந்திய ஜனநாயக வாலிபா் சங்க மாநில செயற்குழு உறுப்பினா் அரவிந்தசாமி தலைமையிலும், மாவட்டச் செயலா் விஸ்வநாதன் முன்னிலையிலும் ஊா்வலமாகச் சென்று, ரயில் நிலையத்தில் மறியலில் ஈடுபட முயன்றனா்.

இதையடுத்து டவுன் டிஎஸ்பி முத்துக்குமாா் தலைமையிலான போலீஸாா், அவா்களை தடுத்து பெண் உள்பட 18 பேரை கைது செய்தனா்.