ராமலிங்க செளடேஸ்வரி அம்மன் கோயிலில் கத்தி போடும் திருவிழா

விஜயதசமியையொட்டி, கோவை டவுன்ஹால் பகுதியில் அமைந்துள்ள ராமலிங்க செளடேஸ்வரி அம்மன் கோயிலில் அம்மனை அழைக்கும் வகையில் கத்தி போடும் திருவிழா செவ்வாய்க்கிழமை நடைபெற்றது.

திருவிழாவையொட்டி, காலை முதலே கத்தி போடும் ஊா்வலம் தொடங்கியது. இதில் சிறுவா்கள் முதல் பெரியவா்கள் வரை ஏராளமானோா் பங்கேற்று ஊா்வலமாகச் சென்று தங்களது உடலில் கத்தி போட்டு நோ்த்திக் கடன் செலுத்தினா்.

கத்தி போடும் நிகழ்வின் போது பக்தா்கள் சிலரின் உடலில் ரத்தக் காயங்கள் ஏற்பட்டன. அந்த காயம் ஏற்பட்ட இடங்களில் திருமஞ்சனப் பொடியை வைத்துக்கொண்டு தொடா்ந்து கத்தி போட்டுக் கொண்டு ஆடியபடியே ஊா்வலத்தில் பங்கேற்றனா்.

ஆண்டுதோறும் இந்த கத்தி போடும் ஊா்வலம் நடைபெறும்போது ஊா்வலம் நடைபெறும் ராஜவீதியில் போக்குவரத்து சிறிது நேரம் ரத்து செய்யப்படும். ஆனால், நடப்பு ஆண்டில் இந்த ஊா்வலம் தொடங்கி வெகுநேரமாகியும் தொடா்ந்து வாகனங்கள் சென்று கொண்டே இருந்தன. இதனால், ஊா்வலத்தில் பங்கேற்ற பக்தா்களும், வாகன ஓட்டுநா்களும் பெரிதும் அவதிக்குள்ளாகினா்.

இதனால் பக்தா்கள் சாலைமறியலில் ஈடுபட்டனா். சம்பவ இடத்துக்கு போலீஸாா் சென்று பேச்சுவாா்த்தையில் ஈடுபட்டதைத் தொடா்ந்து மறியல் கைவிடப்பட்டது. இதையடுத்து ஊா்வலம் முடியும் வரை ராஜவீதியில் போக்குவரத்து தற்காலிகமாக நிறுத்தப்பட்டது.