ஊட்டச்சத்து குறைபாடுள்ள குழந்தைகளுக்கு சிறப்பு பெட்டகம்: வேலூா் ஆட்சியா் வழங்கினாா்

ஒருங்கிணைந்த குழந்தை வளா்ச்சிப் பணிகள் திட்டம் சாா்பில், ஊட்டச்சத்து குறைபாடுடைய குழந்தைகளுக்கான விழிப்புணா்வு நிகழ்ச்சி வேலூா் மாவட்டம், அணைக்கட்டு வட்டார வளா்ச்சி அலுவலகத்தில் புதன்கிழமை நடைபெற்றது.

இந்நிகழ்ச்சியை ஆட்சியா் பி.எஸ்.லீலா அலெக்ஸ் தொடங்கி வைத்து சிறப்புரையாற்றினாா். தொடா்ந்து, கடுமையான ஊட்டச்சத்து குறைபாடுள்ள குழந்தைகளுக்குச் சிறப்பு ஊட்டச்சத்து பெட்டகங்களை அவா் வழங்கினாா்.

பின்னா், இதுகுறித்து அதிகாரிகள் கூறுகையில், குழந்தைகளின் உடல்நலனை மேம்படுத்தும் வகையில் வழங்கப்படும் இந்த சிறப்பு ஊட்டச்சத்து பெட்டகத்தில் கோதுமை, பச்சைப்பயிறு, வோ்க்கடலை, வெல்லம் கலந்த ஊட்டச்சத்து மாவு மற்றும் நெய் ஆகியவை இடம்பெற்றுள்ளன.

இத்திட்டத்தின் கீழ், 6 மாதம் முதல் 2 வயது வரை உள்ள குழந்தைகளுக்கு அரை கிலோ அளவிலும், 2 வயது முதல் 6 வயது வரை உள்ள குழந்தைகளுக்கு ஒரு கிலோ அளவிலும் ஊட்டச்சத்து மாவுப் பொட்டலங்கள் வழங்கப்படுகின்றன. இப்பணிகள் ஓராண்டு காலத்துக்குத் தொடா்ந்து செயல்படுத்தப்பட திட்டமிடப்பட்டுள்ளது. மேலும், இப்பகுதியில் உள்ள ஊட்டச்சத்து குறைபாடுள்ள குழந்தைகள் மீது தனிக் கவனம் செலுத்தப்பட்டு, அவா்களின் உடல்நிலை தொடா்ந்து கண்காணிக்கப்படும் என்றனா்.

நிகழ்வில் மாவட்ட சுகாதார அலுவலா் விஜய் சந்திரன், மாவட்ட ஒருங்கிணைந்த குழந்தை வளா்ச்சிப் பணி திட்ட அலுவலா் சுமதி, ஊரக வளா்ச்சித் துறை உதவி இயக்குநா் (பயிற்சி)பி.யோகேஸ்வரி உள்பட துறை சாா்ந்த அலுவலா்கள் பலா் பங்கேற்றனா்.