திருவள்ளூா் நகராட்சி குப்பை வள மீட்பு மையத்தில் மக்காத நெகிழி பொருள்கள் கட்டும் பணி

அனைத்து குடியிருப்புகள் மற்றும் வணிக நிறுவனங்களில் சேகரம் செய்யப்பட்டு திருவள்ளூா் நகராட்சி அலுவலகம் மற்றும் ஈக்காடு ஆகிய இடங்களில் உள்ள வள மீட்பு மையத்தில் மக்காத நெகிழி பொருள்கள் கட்டு கட்டும் பணிகளை ஆட்சியா் ச.கவிதா திடீா் ஆய்வு மேற்கொண்டாா்.

திருவள்ளூா் நகராட்சியில் உள்ள 27 வாா்டுகளில் 19,022 குடியிருப்புகளும், 82,185 மக்கள் தொகையும் கொண்ட தோ்வு நிலை நகராட்சியாகும். இந்த நகராட்சியில் உருவாகும் மொத்த குப்பையில் 13 டன் மக்காத குப்பையாக அளவீடு செய்யப்பட்டுள்ளது. அதன் அடிப்படையில், தூய்மைப் பணியாளா்களால் நாள்தோறும் மக்கும் குப்பைகள், மக்காத குப்பைகளாக தரம் பிரித்து பெறப்படுகிறது. இதில், மக்காத குப்பைகளில் விற்பனைக்கு தகுந்த நெகிழி பொருள்களாக 3 டன்கள் தூய்மைப் பணியாளா்களால் விற்பனை செய்யப்படுகிறது. அதேபோல், மீதமுள்ள 10 டன் மக்காத குப்பைகளை அனைத்து குடியிருப்பு மற்றும் வணிக நிறுவனங்களில் சேகரம் செய்யப்பட்டு, நகராட்சி அலுவலகம் மற்றும் ஈக்காடு இடங்களில் உள்ள வள மீட்பு மையத்தில் மக்காத நெகிழி பொருள்களை கட்டு கட்டும் பணியும் நடைபெற்று வருகிறது.

இந்த நிலையில் இப்பணியினை ஆட்சியா் ச.கவிதா சம்பந்தப்பட்ட அதிகாரிகளுடன் சனிக்கிழமை திடீரென்று ஆய்வு மேற்கொண்டாா். அப்போது, அங்கு தரம் பிரிக்கும் பணியில் ஈடுபட்டிருந்த தூய்மை பணியாளா்களிடம் தரம் பிரிக்கப்படும் மக்கும் குப்பைகள் குறித்த விவரங்களையும் கேட்டறிந்தாா்.

மேலும், நாள்தோறும் நகராட்சி பகுதிகளில் சுத்தமாகவும், சுகாதாரமாகவும் பராமரிப்பதன் அவசியம் குறித்து எடுத்துரைத்தாா். அதனால், எந்த ஒரு குடியிருப்புகளிலும் மற்றும் வணிக நிறுவனங்களிலும் குப்பைகளை விடுவிடாமல் சேகரம் செய்து தரம் பிரிக்கவும் அறிவுறுத்தினாா். மேலும் தரம் பிரித்து பெறப்படும் அனைத்து மக்காத குப்பைகளையும் உடனே கட்டு கட்டி சம்பந்தப்பட்ட நிறுவனத்திற்கு உடனே அனுப்பி வைக்கவும் அவா் அறிவுறுத்தினாா்.

இந்த ஆய்வின்போது சுகாதார அலுவலா் மோகன், சுகாதார ஆய்வாளா் விஜய் மற்றும் தூய்மை இந்தியா திட்ட பரப்புரையாளா்கள் உடனிருந்தனா்.