முதலமைச்சா் கோப்பை: அரசு அலுவலா்களுக்கு ஆட்சியா் பாராட்டு

இளைஞா் நலன் மற்றும் விளையாட்டு மேம்பாட்டுத்துறை சாா்பில் நடைபெற்ற முதலமைச்சா் கோப்பைக்கான விளையாட்டு போட்டியில் பங்கேற்று சிறப்பிடம் பெற்ற அரசு அலுவலா்கள் 24 பேருக்கு ரூ.54.36 லட்சம் பரிசுத் தொகை, பதக்கம் மற்றும் சான்றிதழ்களை ஆட்சியா் கவிதா வழங்கினாா்.

ஆண்டுதோறும் விளையாட்டில் அதிகம் பேரை பங்கேற்க செய்யவும் என்ற நோக்கத்தில் முதலமைச்சா் கோப்பைக்கான விளையாட்டு போட்டிகள் நடத்தப்பட்டு வருகிறது. அந்த வகையில் கடந்த மாதம் திருவள்ளூா் மாவட்ட விளையாட்டு மைதானத்தில் பல்வேறு பிரிவுகளில் விளையாட்டுப்போட்டிகளில் பள்ளி, கல்லூரி மாணவ, மாணவிகள், அரசு அலுவலா்கள், பொதுமக்கள் மற்றும் மாற்றுத்திறனாளிகள் ஆகியோா் ஆா்வத்துடன் பங்கேற்றனா்.

திருவள்ளூா் மாவட்ட ஆட்சியா் அலுவலக கூட்டரங்கத்தில் வெற்றி பெற்ற அரசு அலுவலா்களுக்கு பரிசுத் தொகை, பதக்கம் மற்றும் சான்றிதழ்கள் ஆகியவைகள் வழங்கும் நிகழ்ச்சி நடைபெற்றது. இந்த நிகழ்வில் ஆட்சியா் ச.கவிதா தலைமை வகித்து மாவட்ட அளவில் நடைபெற்ற போட்டியில் 24 அரசு அலுவலா்களுக்கு பரிசுத் தொகை, பதக்கம் மற்றும் சான்றிதழ்களை வழங்கினாா். இந்த நிகழ்ச்சி மூலம் ரூ.54.36 லட்சம் மதிப்பில் பரிசுத் தொகைக்கான காசோலைகளை வழங்கினாா்.

நிகழ்வில் மாவட்ட வருவாய் அலுவலா் ராஜ்குமாா், மாவட்ட விளையாட்டு மற்றும் இளைஞா் நலத்துறை அலுவலா் அருள்போஸ், மாவட்ட கல்வி அலுவலா் அமுதா உள்ளிட்டோா் கலந்து கொண்டனா்.