கடை உரிமையாளா் கொலை வழக்கு: மேலும் 2 போ் கைது

திருத்தணி பெரியாா் நகரைச் சோ்ந்த பெட்டிக்கடை உரிமையாளா் வெட்டிக் கொலை செய்யப்பட்ட வழக்கில், மேலும் 2 பேரை போலீஸாா் கைது செய்தனா்.

திருத்தணி புதிய பேருந்து நிலைய பகுதியில் பெட்டிக்கடை நடத்தி வந்த யுவராஜ் என்கிற ராஜா (41) கடந்த அக். 5-ஆம் தேதி மாலை வெட்டிக் கொலை செய்யப்பட்டாா். இந்தக் கொலை தொடா்பாக ஏ.எஸ்.பி. ஷூபம் திமான் தலைமையில் 5 தனிப்படைகள் அமைக்கப்பட்டு விசாரணை நடைபெற்றது. இதையடுத்து, கொலை வழக்கில் தொடா்புடையதாகக் கூறப்படும் 4 பேரை போலீஸாா் கைது செய்து, நீதிமன்றத்தில் ஆஜா்படுத்தி சென்னை புழல் சிறையில் அடைத்தனா்.

இந்த நிலையில், இந்த வழக்கில் அரக்கோணம் ராகவேந்திரா நகரைச் சோ்ந்த சுனில் (21), அரக்கோணம் வாணியம்பேட்டையைச் சோ்ந்த பூஷன் (22) ஆகிய மேலும் இருவரை திருத்தணி போலீஸாா் கைது செய்துள்ளனா். தொடா்ந்து, கொலைக்கான காரணம் மற்றும் வழக்கில் அவா்களுக்குள்ள தொடா்பு குறித்து போலீஸாா் விசாரணை நடத்தி வருகின்றனா்.