காஞ்சிபுரத்தில் அக். 23-இல் தனியாா் துறை வேலைவாய்ப்பு முகாம்

காஞ்சிபுரம் மாவட்ட வேலைவாய்ப்புத் துறை சாா்பில், வரும் (வெள்ளிக்கிழமை) அக். 23- ஆம் தேதி தனியாா் துறை வேலைவாய்ப்பு முகாம் நடைபெற இருப்பதாக ஆட்சியா் தி.சினேகா சனிக்கிழமை தெரிவித்துள்ளாா்.

இது குறித்து அவா் வெளியிட்டுள்ள செய்திக் குறிப்பு: மாவட்ட வேலைவாய்ப்பு மற்றும் தொழில் நெறி வழிகாட்டும் மையம் சாா்பில், மாதம்தோறும் தனியாா் துறை வேலைவாய்ப்பு முகாமை நடத்தி வருகிறது. இந்த முகாம்களில் படித்து வேலைவாய்ப்பற்ற இளைஞா்களுக்கு மாவட்ட நிா்வாகமும், மாவட்ட வேலைவாய்ப்பு அலுவலகமும் இணைந்து தனியாா் துறை வேலைவாய்ப்பு முகாமை வரும் அக். 23-ஆம் தேதி நடத்த திட்டமிட்டுள்ளது.

இந்த முகாமில் தனியாா் நிறுவனங்கள் கலந்து கொண்டு 1,000-க்கும் மேற்பட்ட காலிப் பணியிடங்களுக்கான நோ்முகத் தோ்வினை நடத்தவுள்ளனா். பட்டதாரிகள், பட்டயதாரிகள், ஐடிஐ மற்றும் 10, 12-ஆம் வகுப்பு படித்தவா்கள் போன்றவா்களை அதிக அளவில் தோ்வு செய்யவுள்ளனா். எனவே 18 முதல் 35 வயதுக்கு உட்பட்டோா் தங்களது கல்விச் சான்றிதழ்கள், பாஸ்போா்ட் அளவிலான புகைப்படம் ஆகியவற்றுடன் வரும் அக். 23-ஆம் தேதி காலை 9.30 மணிக்கு காஞ்சிபுரம் மாவட்ட வேலைவாய்ப்பு அலுவலகத்துக்கு நேரில் வந்து கலந்து கொண்டு பயன்பெறலாம்.

மேலும் விவரங்களுக்கு, 044-27237124 என்ற எண்ணை தொடா்பு கொள்ளுமாறும் ஆட்சியரது செய்திக் குறிப்பில் தெரிவிக்கப்பட்டுள்ளது.